World Cup winner Sir Geoff Hurst chuan tun summer World Cup South Africa a neih turah chuan hnehna chang turin England team chu an tha tawk lo tiin a sawi.
Kum 44 zet liam ta a England team, hlawhtling tak a lo hruai tawhtu Hurst hian tun a Fabio Capello an squad a siam dan chu belhchian a dawllo hle niin a sawi . Hurst hian 1966 World Cup-ah khan hat-trick a lo siam tawh a, tun dinhmunah chuan England hian semis chiah a thleng ang tiin a sawi. Hurst hian England chu tlar hmalam a ding te an tha tawk lo tih a sawi a, duhthusamah chuan Wayne Roooney leh Fernando Torres te hi ding tlang thei ngat se chuan England dinhmun chu a danglam khawp ang tiin a sawi a, mahse hei hi thil theih a ni si lo.
Tun dinhmunah chuan Aston Villa frotnman Emile Heskey chu Capello hian first choice striker atan a dah a, attacking-ah Rooney a dah a, hei vang hian a ngaih a tha hle thung a ni.Jermain Defoe, Carlton Cole leh Darren Bent te pawh squad-ah chuan an awm dawn tho a, mahse Hurst chuan Peter Crouch chu England tan a mi tha ni a sawiin Heskey erawh a fak vak lo thung. Tottenham striker hian England in friendly a Egypt 3-1 a a n hneh tum khan a ti goal a, match 37 ah vawi 20 ti lutin England goal scoring record a siam hial a, hetiang tak anih avang hian Hurst chuan ‘ Crouch hi chu Rooney partner tha ber a ni a, Emiley Heskey tih theih ang chu a thei vek a, a maherawhchu a pawimawh ber a chu goal tam zawk tihluh hi a ni” a ti.
Hurst chuan Capello an squad a siam dan chu World Cup champion na khawp
a ni lo tih uartaka sawiin Rooney emaw Steven Gerrard te hi an thei lo thut anih phei chuan beisei a bo hle ang tiin a sawi. Heibakah Wayne Bridge pawh hliam a neih a vangin a dinhmun tur a chiang lo hle a, Hurst chuan hemi chinah ringawt pawh hian rek bung ta ila, England dinhmun tur chu a thlamuang lo hle tiin a sawi.
Hetihrual hian beiseina erawh a bo bik hleinem Glen Johnson te leh Ashley Cole te pawh an in fit ang a, ani phei chu khawvela full-back tha ber ani a, chutiangin Rio Feridnand pawh a rawn in fit dawn a lawm tiin a sawi belh ve leh thung a ni.
Kum 1966 atang khan England hian World Cup ah hian hnuhma tha an hnutchhiah thei lo hle a, kum 1990 khan semi finals an lut tawk a, kum 2002 leh 2006 khan quarter finals an han lut zawk a, mahse Brazil leh Portugal ten quarter final atang khan an pet thla a nih kha.
No comments:
Post a Comment