Union Minister leh ambassador hlui, journalist Ajay Singh leh mi pawimawh leh kawng hrang hranga India rama mi langsar ni pha mi 19 chuan internet hmangin Pu George Fernandes, MP (RS) ni mek, kum 40 kal ta chhunga India ram politics hruaitu thil ti thei bertete zinga mi tan ngenna leh thuchhuah an siam a.(Mizo Aw pawh thawn vein chhuah tura ngen a ni a). Kawng hrang hranga mipui chi hrang hrang tana a lo thawh tawhnate sawiin kum rei tak a thian lo ni tawhte hian tun chawlhkar rei lo te chhunga a chunga thil thleng chuan anmahni a tihhrehawm (distressed) thu an sawi. A damlo a chak lo em em a,amah a inveng thei tawh lo a, vantlang hnenah pawh thu a sawi thei tawh lo an ti.
An thian George Fernandes an ngaihtuah zia te, a thatna leh hriselna leh enkawl tha an duhsak thute an sawi a. Hmun hran hranah sawn a ni a, ama chungchangah hian thutlukna rang tak leh mi dangte rawnna awm lovin ama natna enkawl dan tur leh amah hre lo leh thil hmangchang hre loten an siam thin a ni an ti. Hengte hian a rilru leh a taksaah nghawng tha lo tak a nei dawn a ni an ti a. AIIMS-ah amah enkawltu Committee (panel), amah enkawl awm tak amah hria doctor rual te,hun rei tak a lo thawhpui te, amah ngaihsaktu te, a chhungkaw hnai vai leh hlate telin dan angin ruat ni se, chu chuan atan boruak nghet a siam ang a, nuam leh hahdam a ti dawn a ni an ti.
Ama chungchangah rinthu leh titi, vantlang hriatah a hausakna (assets) chungchang leh a lainate chungchangte sawi chhuah a ni a, hengte hi George Fernandes-a ngaihhlut zawng a ni lo a, rilru a tihliam takzet a ni an ti.
Hetiang dinhmuna a dinah hian a thiante leh amah ngaisangtute chuan a zahawmna chu
humhimsak chu an tih tur a ni an ti a. Kum tamtak chhunga a thil tih te leh a duhthlanna siamte zahsak an phut a ni.
Subscribe to:
Post Comments (Atom)
No comments:
Post a Comment