Article: Skkim tlawh report-I by T. Renthlei

Information Minister Pu Zodintluanga leh I&PR Deptt te duhsakna azarah Lunglei MJA member 9 te chuan karkalta mai khan Sikkim khawpui Gangtok leh a chhehvel hmun hrang hrang kan fang a, hengbakah hian khawvel a thingpuife tui berna hmun a an sawi pakhat leh NE-ah chuan Tourist ten an tlawh tam berna pakhat Darjelling kan tlawh bawk a, heng kan kal kual na a kan thil hmuh hrang hrang leh kan ram tan a kan rualawhna tlangpui te lo thlir ho dawn teh ang u. Kan zin kawng leh a chhehvel thian ho titi na a hlimawm tam tak erawh tuntumah hian kan rawn tilang vak lo ang a, chung chu a remchan leh hun dangah kan rawn ti lang zawk ang chu.


Sikkim state chu:::

A hmasaber in kan tlawh ber Sikkim State chanchin hi kan hriat hmasak a tha in a rinawm a. Kum 1975 khan India ramah rawn bet in Union Territory 22-na an rawn ni a, hemi hma hi chuan mahni a lalram neiin an awm mai thin a ni. Hun engemawchen UT hnuaia a an awm hnuah December 2002 khan North Eastern Council(NEC) hnuaiah hian dah in NE-State dang te nen huangkhatah kan awm ho ta a, hei hi an CM Dr Pawan Chamling a tum ber pakhat a ni reng a ni. An ram zau zawng hi 7,096 sq.kms niin Population: 5.40 Lakhs(2001 census), Density: 76 per/sq.km niin District 4 a awm a, Sub Division:9, RD Block: 453, Gram Panchayats: 163, Per Capita Income: Rs 23,786, Temperature: Summer-ah Max: 210C, Min: 130C leh Winter-ah Max: 130C leh Min-ah 050C a ni. Kum khatah ruahtui 3,894mm a tla bawk. Sea Level-ah 28,208ft(8598 mtrs) a sang a ni a, khawvela tlang sang ber 3 na leh India rama tlang sangber 3-na Mt. Khanchendzonga chu an ram chhung a mi hi a ni a, Forest area 5841.40 sq.km an nei. Sikkim/Gangtok atanga thlawhna tumhmun hnai ber chu Bagdogra a ni a, hei hi Gangtok atanga 124 kms vel a hla a ni a, Gangtok leh Bagdogra inkarah hian Helicopter mi 5 chuan theihna a service bawk. Railway station hnai ber chu Siliguri(114 kms) leh New Jaipalguri(125 kms) a ni.

Kolkota Mizoram House enkawltute an fakawm::

Information Deptt. hotu te duhsakna azarah MJA member 9 te chu kan Tour Leader Pi B. Lianthangpuii PRO Aizawl hovin Dt 14.03.10 khan Lengpui atangin Indian Airlines in Kolkota-ah kan thlawk thla a, Kolkota-ah hian Salt Lake Mizoram House chu darkar 3 vel chhung chawlh zawk nan kan hmang a, hemi chhung lek pawh hian Asst. LO Pu Zothankhuma chuan min lo welcome tha hle a, harsa tak kara pindan min lo ruahman sak thei te kha kan lawm hle a ni. Salt Lake Mizoram House hi J. Buana College zirlai te kum 2002 a Excursion kan neih tum a kan thlen ai khan nasa fe in a chhung; khum, pindan zawng zawng leh mutbu leh Toilet chenin an lo tifai tawh hle a, hei hian House enkawltu te inpekzia a tilang chiang hle. Sikkim atanga kan rawn haw lamah pawh House enkawltu te hian min lo dawng sawng tha hle a, Govt. of Mizoram Bus an kawllai in Rel station kan thleng leh kan haw tur lam min thlah vek zel a, kan lawm hle a ni.

Sikkim panin kan kal ta: Sikkim tlawh tur a MJA kalte hi Pu K. Lalrinpuia Ed Vulmawi, Pu H. Lalthansanga Ed. Lunglei Times, Pu Lianchama Chhangte, Ed. Zochhiar, Pu Lalrintluanga Khiangte Ed Ralvengtu, Tv. K. Lalrochana Jt Ed. Lunglei Tribune, Pu FC. Laldinpuia Eldo TV, Pu F.Lalngaihzuala JB Cable, Pu Lalrinchhana LDF Cable leh kei Thanghmingliana Renthlei Ed. ZUNZAM te kan ni a, kan Tour chhung zawngin kan hlim dar dar hle thin a ni. Kolkota atang khan Sikkim pan turin Rel in zankhuain kan kal a, a tuk zing dar 10:00 velah New Jaipalguri(NJP) kan thleng a, NJP atang hian Sikkim chu Sumo in kan pan leh a, tlai dar 3:00 velah Sikkim khawpui Gangtok chu kan lut ta anih chu. Gangtok panna kawng pui hrulah hian Teesta luipui chu a luang zui reng a, he luipui hi Hydro Power siamna atan a hman an tum lai mek a ni a, kan kal lai pawh hian Hydro Power siam turin hnathawk tu chi hrang hrang khawl lianpui pui nen an lo in bun hnawk nasa tawh hle a ni. Kan tlangram mi ang tho an ni nang a,keini ai chuan rannung an khawngaih zawk ni ngei a a lanna chu Gangtok khawpui luh dawn hian kawng sirah Zawng (Monkey) engemawzat an lo awm a, hei ringawt pawh hian ngaihtuahna thar min siamsak tawh hle a ni. Kan ram ang deuh bawkin tlangram zai zai-ah Motor kawngpui hi a awm a, mahse Double lane ti a kan sawi theih ang hi a ni hlawm, Sumo Service a tam a, an speed a sang thei hle. Gangtok khawpui kan luh hian Terminal-ah min dah a, heta tang hian Taxi in kan thlenna tur kan pan thei leh chauh a ni. Hei hi kan ram nen kankal phung kan in an lohna kan hmuh hmasak ber a ni hial awm e. Keini ramah chuan chhun pachang ani emaw, Office kallai ani emaw, engtik hunah pawh Passenger phur te chu khawpui ah an lut thei a, hei hian kan kawngpui pawh a tih tawt phah hle thin a ni. Sikkim ho tihdan a that riauna hi chu Tourist hmunpui an nih miau avangin khualzin ten sum sen an ui lo a lawm pawh kan ti mai thei a, mahse Taxi driver te’n Sumo passenger te an lo lakchhawn ve leh khan Employment generate na a ni chho ve leh zel a, kha kha mitinin tha an ti ta mai niin a lang. Kan ramah chuan hetiang hi han practice ve dawn chiah ilang chuan pawl hrang hrang in mirethei rahbehna etc. tiin kan au leh luai luai ang a, thuneitu tan thil tha tur rengah pawh hmalak a har leh ngawt ang.

Sikkim state mipui te hi an mak leh na em em chu tun hma a Lal nei thang tih takah an State CM hi an ngaisang hle a, an chhuang a, an zah(respect) a, a hmalakna tha te hi khualzin mite bulah sawi nuam an ti a, an fak hrelh lo a ni. Hei maibakah Assembly Seat 32 ah Sikkim Democratioc Front(SDF) an CM kaihhruai Party hian sorlarna full majority an la a, hmun tinah an CM thlalak hi lianpui puiin an tar keu kuau mai a ni.”WE want the private sector to be a part of Sikkimmese ethos, culture and development goals. Only this can inspire a high growth regime into the stage” ti a sawi thin hi a takin a thleng mek a ni.

IAS TV leh Computer neilo...

Sikkim Sorkar Information Deptt. chuan kan thlenna tur hi an lo ruatsa thlap a, an khawpui laili tak a Janata Bhawan an tih mai Rural Management Development Deptt. in an enkawlah chuan min thlen tir a, hei hi 16.3.10 kha a ni. Kan insingsak fel hnuah PRO Office kan tlawh nghal a, hetah hian Dy Director Gyattsen T. Lama chuan min lo dawng sawng a, ani hian I&PR Deptt. Commissioner cum Secretary, Pu MG Kiran, IAS min hmuhpui nghal a,(thlalak a hmeichhe pahnih inkar ami hi IAS pa chal chu a ni) ani hian inkawmna hun zangkhai tak min neihpui nghal a ni. Mak ang reng deuh mai chu he IAS pachal hi an mahni state mi leh sa diktak a ni a, an state chhung a thil awm engkim hi a hria emaw tih mai turin zawhna kan siam reng reng ihe nei miah lovin min chhang par par thei zel a, a hna ah a inpekzia leh a mawhphurhna a hlenchhuah zia a lang chiang hle. A room chhung lah chu patling mi 9 vel lek kan thut pawhin kan tawt em em mai a, steel almirah pakhat hi a hung a, lehkhabu erawh a dahtam hle thung. TV, Computer leh Sofa set tih lam pang chu pakhatmah a awm lo. Hei hi kan ram officer te nen an inan lohna a ni. Kan ramah chuan Officer zawng zawng tih theih deuhthaw in Computer an hun loh paw’n TV tal an Office-ah an la hung a, Book shelves hmuh tur awm mang si lovin, hei hian sawi thui vak ngai lovin ngaihdan min siam thei mai awm e. Zawhna reng reng IAS pachal in eng subject pawh a chhang thei zung zung te kha Sikkim tlawh ti chakawm tu a ni chiang. He IAS pachal lak atang hian an State chhung kan tlawh miah loh thil tam tak kan hriat phah a ni. Next issue-ah kan hmun tlawh te kan rawn thai lang leh ang

India mi in UK-ah Award

London: India chhulchhuak diktak Cambridge University a hnathawk lai mek Professor Shankar Balasubramanian chu Biotechnology leh Biologinbgal Sciences Research Council (BBSRC) chuan Innovative of the Year atan a thlang. BBSRC te hi Britain leading funding agency niin Non Clinical Life Sciences atan sum an pe thin a ni. Professor Shankar hian lawmmanah tangkafaiin pound 10,000 zet chu Solexa sequencing, high speed genome sequencing technology atang te in a dawng a, hei hian a entir chu human genome kha USD 10,000 aia tlemin an ti thei dawn niin a lang. Amah hi kum 1966 khan Chennai-ah a lo piang tawh a, kum 1967 khan a nu leh pa ten UK-ah an pempui a ni.Under Garduate a Degree chu Cambridge University atangin Natural Sciences-ah a zova, PhD chu Professor Chris Abell kaihhruaina hnuaiah a zo thung a ni.

IPS-in LK Advani a phawrh

Rae Bareilly: Senior Indian Police Service(IPS) Officer Anju Gupta tun a Delhi a Research and Analysis Wing(RAW) a awm mek chuan vawiin khan Rae Bareilly Court-ah BJP leader LK Advani in December 6, 1992 khan tun a temple awm naah ngei hian temple sak ani ang a ti tih a sawi chhuak ta mauh mai. Gupta hi khatihlai khan Advani Personal Security-ah dah a ni a, ani hian Court-a a sawi zel dan chuan “ Advani hi Faisabad border atangin a veng a, hetah hian Ram Katha Kunj leh BJP hotu te an awm tiin a sawi a, chung zingah chuan Kalraj Mishra, MM Joshi, Uma Bharti, Ashok Singal leh Pranab Mahajan te an awm a ni. Advani khan amah thlawptu te hmaah Temple chu tun a a awmna ngai chiahah hian sak ani ang tih a sawi chiang hle a ti. Gupta hian a sawi zel danin khami tum khan Kar Sevaks te chuan an kutah chemte kengin hmalam an pan a, Ram Katha Kunj phei chu 150 mtrs chiahin an la thleng hman lo niin a sawi.

X-Ray khawl hman danah MoU Signed a ni

Aizawl Dt 26.03.10:vawiin tlai dar 3:00 khan Chief Secretary Chamber-ah Mizoram Sorkar leh Atomic Energy Regulatory Board (AERB), Govt. of India chuan X-Ray hmanga thlalak chungchangah mipui, damlote leh x-ray khawl enkawltute himna tur MOU an signed. Mizoram tana thil thleng chhinchhiah tlak takah hian AERB aiawhin Dr. OM Pal Singh, Secretary, AERB in hming a sign a, Mizoram Sorkar aiawhin Pu Lalrothanga, Joint Secretary, Health & Family Welfare chuan hming a sign thung a ni.He MOU an sign ah hian Mizoram sorkar chuan Radiation Safety Agency (RSA) a din ang a, chu chuan AERB inkaihhruaina dan angin mipui, damlote leh khawl hnathawkte ngei pawhin a tul lova X-ray an dawn lohna turin hma a la dawn a ni. X-ray hian cancer a thlen thei a ni tih finfiah a nih atangin X-ray laka inven fimkhur hi ram changkang zawkte chuan an ngai pawimawh hle a. Mizoramin hetiang inven dan mumal tak kan han nei thei tur hi mipuite x-ray laka kan himna atana bul tanna pawimawh tak a ni. X-ray laka invenna tur hian a khawl atanga X-ray a chhuah dan mumal taka endik te, a khawl bunna room atanga X-ray leak a awm leh awm lohte thlengin RSA hian a enfel dawn a ni.MOU sign a nih atang hian X-ray khawlte pawh khuahkhirhna dan mumal tak hman a ni tawh dawn a. X-ray khawl neitu zawng zawngin RSA hnenah khawl hman phalna an lak a ngai tawh dawn a ni.

Dr. HT. Sangliana’n Zirlaite a fuih

Nimin khan Dr. H.T. Sangliana, Vice Chairman National Commission for Minorities chuan Govt. Bible M/S, Venghlui tlawhin Zirlai naupangte chuan amah lo lawm nan cheraw mawi takin an entir. Dr. H.T. Sangliana, IPS (Rtd.) Ex-MP & Vice Chairman National Commission for Minorities hnenah hian thuziak mawi tak (citation) hlan a ni. Khuallian hian thu sawiin Education hlawhtlin nana ban pathum tarlangin heng ban pathum zingah hian zirlaite chu an pawimawh ber thu sawiin, tun atanga tum mumal neia lehkha zir a tul dan leh zirnaah hian vannei tih a awm hran lova, vannei tur chuan zir vak mai chu hlawhtlinna a ni a ti. Zirna hlawhtlinna chu School-a innghat a ni lova, zirlai zir taimaknaah a innghat anih thu a tarlang. Zirlaite chu Zirtirtute thu awih tur leh nu leh pa te thuawiin School bakah in lamahte hna tul ang ang thawk a, chhungkuaa mi tangkai nih tum theuh turin a fuih bawk.Zirtirtute chu zirlai naupangte hrechang a, an talent neihte haichhuak a, tinzawn nei rana zirna pe tur leh zirlai nu leh paten an fate zirtir tura an beisei ang ngei a, nun uluk leh thahnem ngai taka thawk turin a fuih.

Malaria tihbo dan tur an rel

Nimin khan Lunglei DC Office chamber-ah Malaria laka in vendan chungchanga hmalak dan DC hova ngaihtuah a ni. He hunah hian Pu Ramthlanpuia Malaria Officer chuan an hmalak tawh dan leh hmalakna kawng a hmanraw pawimawh lei an duhdan a report a, Meeting chuan a pawmpui nghal. Meeting chuan Malaria vanga Na leh thi kan tlem theih nan Special Officer(Malaria) chu chak leh zual a hma la turin an ti a, khawsik, luna, luakchhuak, kaih nei te chuan Sub Centre/Private hnaiberah in entir zung zung nise an duh tih an sawi. Lunglei DC chuan Malaria Special Officer hmalak tawh dan chu tha a tih thu leh Malaria lakah tunhma aia kan him ngei a rinthu a sawi bawk.

Lunglei Zirlai pawl hrilhhai

HSLC Exam result tih chhuah takah Lunglei a Zirlai pawl 2 MSU leh MZP chuan a hlawhtling zawng zawngte an lawmpui rualin a hlawhtling rihlo te beidawng lova, tanla zel turin an ngen. Hetihrual hian Top 10-ah Lunglei Dist atanga pakhatmah an lang ve lo chu zirna lamah tanlak a ngaihzia lantirna anih rualin a hrilhhai thlak an ti a, Lunglei Dist a zirlai te tan la sauh sauh turin an ngen. MZP phei chuan Topper a Mizo a awm thei leh Top 10 a Mizo 8 lai an awm chu a lawmawm a ti a, hehtihrual hian Top 10-ah Mizo vek kan awm theih nan zirlaite tanla zel turin a fuih nghal a ni.

MBSE Officer in tan a duh

Tuntum HSLC Result chhuakah khan Lunglei Dist chhung a School pakhatmah Top 10-ah an lang lova. Hemi chungchangah hian MBSE Regional Officer Pu C. Sangliana chuan kan palai zawhna chhangin “ Hei hi a manganthlak khawp mai, Zirnaah tan lak ngaihzia a ti lang a, anihna takah chuan kan Office(MBSE Regional Office a tihna) hi mumal zawk a enkawl nise, School ti chhe deuh zirtirtu te kokhawm in sum hman tur te nei ila, School chak lo deuh te inkhaichhuah dan te kan ngaihtuah ang a, kan zia ve mai chu ka ring” tiin a sawi. MBSE Regional office lungleiah hian Staff 4 chiah tunah hian awm in Dist. 3 chu a hmingin an enkawl ve mek a, thuneihna an nei sang vak lo a ni.

HSLC Exam beitu mi 14938 zingah Benjamin Lalfakmawia a thiam ber

Lunglei Dt 26.03.2010: MBSE in HSLC Exam 2010 result vawiina a tih chhuah takah a pumpuiah Exam beitu 14652 atangin Benjamin Lalfakmawia S/o Biakdika, St. Peter’s HSS Chhingchhip chu pakhatna niin Distinction-ah a paseed-a, Eng, Mizo, SS, Sc, Maths leh IT-ah te Letter mark a hmu.Tuntum Exam-ah hian Regular a Exam mi 10089 awmin private a exam 4563 an awm a, Distinction-ah mi 322 passed an awm laiin I Div-ah mi 1586, II Div-ah 3337, III Div-ah 4513 niin exam beitu zawng zawng hi 9753 an ni a, pass perecentage hi 66.60 a ni.Exam beitu School 136 zet chu an passed kim vek a, heng zingah hian Lunglei atangin School 8 in an passed kim vek a, chungte chu: Holy Faith School, Sam Da Ben HSS, Zakhuma Mem. School, Saphranga Mem. School, D&D English Med. School, Bethesda HSS, F. Lalkhama Mem. English School leh Briliant Boarding School te an ni. Hetihlai hian School 8 chu tumah passed awm lohna an awm a, Lunglei khawchhung a School pakhatmah Nil an awm lo. Fail percentage 60% chunglam awmna(Ti chhe tak) School 49 zingah Govt Pukpui H/S, Hauruang H/S te an tel thung !!. Passed Percentage 99-41% awmna School 324 zingah Lunglei bik atangin School engemawzat an awm bawk.
Top 10 Merit List result chu hetiang hi a ni:


1. Benjamin Lalfakmawia St.Peter HSS Chhingchhip 467 D E,M,SS,SC,MZ,IT

2. Anna Skariah St. Paul’s HSS, Aizawl 463 D E,M,SS,Sc,Hn,IT

3. Rakhee Sharma New Angel Pub School, Lawngtlai459 D E,M,SS,Sc,Hn

4. Sujata Sharma St.Poul’s HSS, Aizawl 458 D E,M,SS,Sc,Hn,IT

Vishwanidh Singh St. Paul’s HSS, Aizawl 458 D E,M,SS,Sc,Hn,IT

5. Shirley Lalrinfeli Helen Lowry HSS, Aizawl 450 D E,M,SS,Sc,MZ

6. JC. Laltharmawia St. Lawrence School, Aizawl 447 D M,SS,Sc,Mz

7. C. Lianpuithangi Helen Lowry HSS, Aizawl 443 D E,M,SS,Sc,Mz

8. Malsawmkima St. Paul’s HSS, Aizawl 442 D E,M,SS, Sc,Mz,IT

9. Zochampari St. Paul’s HSS, Aizawl 441 D E,M,SS,Sc,Mz

Jenny Lalramliani Govt Mizo H/S Aizawl 441 D E,M,SS,Sc,Mz,IT

10.Annie Llaliankimi Fanai Highland Public School Aizawl 439 D E,M,SS,Sc,Mz

Haiti-ah Assam Rifles te

Shillong: India Sipai, Assam Riffles te chuan Haiti lirnghing na hmun a tanpui hna thawk tur UN Mission zawm turin thlaleh khian an kal dawn. Assam Rifles te chu India ramah chuan Paramilitary Force-a a upa ber an ni. Tanpui hna thawk tur hi mi 140 an ni ang a, an zingah hian Officers te pawh an tel ang. Tuntum hi kum 175 chhung a UN Mission a Assam Rifles te an telna hmasaber tur a ni. Security mai bakah chhawmdawl hna thawk in a tul ang ang an thawk dawn a ni. Jan ni 12-a 7.0 Richter scale a lirnghing avang khan mi 200,000 chuang an thi a, Hati khawpui, Port-au-Prince chu nasa takin a ti chhia a ni. Assam Rifles te hian North Eastern India a Sector 9-ah 46 Bn an nei a, Batallion khatah hian mi 1000 zel an awm a ni.

Hmeichhe Bill Lok Sabha-ah

New Delhi: Women Reservation Bill chungchanga buaina chu ningani khan a tawp thawkhat ta a Sorkar laipui chuan Rajya Sabha in he Bill a passed tak hi section hrang hrang te rawn anih hnuah Lok Sabha-ah putluh ani tawh ang tiin a sawi. He Bill dodaltu lian ber SP Chief Mulayam Singh Yadav, RJD leader Lalu Prasad leh JD(U) President Sharad Power te chun Finance Minister Pranab Mukherjee pawh an hmu tawh a, Trinamool Congress leader Mamata Benerjee, NCP chief Sharad Power leh DMK leader TR Baalu te pawh he hunah hian an tel a ni. PM kaihhruai Congress Core Group chuan March ni 16 hian Lok Sabha a bill putluh a nih hmain an thlir nawn leh dawn a, Sorkar chuan mumal tak a thil a kal theih nan biakrawn tur tul te a berawn zel dawn a ni a ti. Rindan chuan thla khat chhung House thutkhawm chawlhlailawk hnu 12 April ah he Bill hi Lok Sabha-ah putluh a ni ang.

Mizo Model an in lar dawn

naktuk hian Chapchap Kut a ni a, Cheraw kan a World Record Aizawl a siam anih dawn avangin Lunglei leh Dist thenkhatah Chapchar Kut hi hman ani dawn lo. Hetihlai hian vawiin dar 5:00Pm-7:00Pm hian MHIP in rualbanlo te zirna Onyx Special School, Lunglei tanpui nan ‘Colour Gaga’ DC Complex Lungleiah hman ani dawn a, he hunah hian Mizoram top designer Numami ‘Magic N’ , Char Lee, HHI Mizoram leh Zomawii Hrahsel-Zomawi Bridal Collections ten an Collection thar ber ber Mizoram top Model te hmangin an pho chhuak dawn. He hun ah hian sawmbikte chu Black & white a in thuam tur a ni a, zanriah an kil ho nghal ang.

MJA Press Tour in kal dawn

MJA Lunglei member 9 te Informations Deptt. in Sikim State tlawh tur a Press Tour a buatsaih sak angin member 9 te chuan naktuk zing hian Lunglei chhuahsanin Aizawl an pan dawn.Dt 13 chawhnu dar 1:00 hian Lengpui Airport atangin an thlawk chhuak ang a, Kolkota atang in Relin Gangtok an pan ang. Ruahman dan chuan Dt 22 March 10 hian Mizoram panin an rawn haw leh ang a, MJA Gen. Confe., Dt 23 March a mi tur an hmang nghal ang. Tour member te chu : K. Lalrinpuia Ed. Vulmawi, H. Lalthansanga Ed. Lunglei Times, Lianchama Chhangte Ed. Zochhiar, Thanghmingliana Renthlei Ed. ZUNZAM, Lalrintluanga Khiangte Ed. Ralvengtu, K. Lalrochana Jt. Ed.Lunglei Tribune, Cable TV atangin FC. Laldinpuia Eldo Zenith, F. Lalngaih zuala JB Cable, Lalrinchhana LDF. PB. Lian thangpuii PRO Aizawl chu Tour Leader a ni ang.

Lungleiah Tui a harsa dawn

PHE Deptt Lunglei in Tui an dah khawmna Tanky 5 tun thla tawp atang hian an siam dawn avangin thla 4 chhung vel chu Lungleiah PHE tuisem a hma aiin a harsa dawn a, he harsatna hi lo hrethiam lawk turin PHE EE Pu Ngentluanga chuan a ngen. Hemi chungchangah hian EE hian MJA, VC Assn leh NGO hrang hrangte a Office-ah kawm a, Tanky siamthat tur te hi Ramzotlang, Chamari, Zotlang leh Assam Riffle camp-ah te ani dawn a, contracttor pawh tihfel vek tawh a ni a ti. Tun a CS tlanga Underground water tank in a chawmlai Hauruang, Venghlun, Sazaikawn leh Venglai te chawmtu chuan Chanmari, Farm veng leh Ramthar te a chawm tel a ngaih dawn avangin Tui supply hi a tam thei dawn lova, hetianga Tanky siam that a ngaih avang hian Lunglei khawpui chhung zawng zawng tih theih deuhthaw chuan an tuar dawn a, mahse kar khatah vawi 2 sem chu kan la tum a ti. Hetiang anih avang hian karleh atang chuan Tui lei pawh khap ani ang a ti a, tanky siam nan hian thla 3-4 vel a ngai dawn a, tun a Tanky te hi tun thla tawp atang hian thiah ani ang a ti. CS tlanga tanky pakhat zawk hian Chanmari(hmun thenkhat), Electric veng, Venglai te a chawm a, heng tanky te hi kum 1982 bawr vela sak kha an ni tawh a, tunah hian a chhe tawh lutuk a, a puakkeh tep tawh zawk a ni a ti. Tunah hian siam lo ila chuan chhiat hun a nei tho ang a, hei hi a hlauhawm zawk ang a ti. PHE Lunglei hianTlawng Lui atang in nitin darkar 17 vel tui pump in Litre Nuai 30 vel an pump thin a, Diesel an hman in thlakhatah Rs 20-30 vel an seng a, Electric Power an hmanin thlakhatah Rs Nuai 10 vel an hmang. Hetihlai hian mipuiin Bill an pek chu thlakhatah Rs Nuai 7-8 vel a ni. Tuntum a harsatna thleng tur hian Pukpui, Zotlang, Rahsiveng,Bazar veng, Venghlun leh Salem veng thenkhat te chu a tibuai vak dawn lo niin a lang.

Theiriat khaw Unau pahnih Lo hal naah an kanghlum !!!!

Lunglei Dt 11.03.2010:Lunglei Theiriat khua a unau pahnih Tv. C. Lalrinmuana(47) leh Pu C. Lalrinchhana(35), Pu Nghakthanga(L) fapa ve ve te chu tun Nilaini 10th March ‘10 khan Theiriat ram Bawkmuala an Lo halna ah an kang hlum a, vawiin hian vuiliam an ni ang.

Theiriat VCP Pu Rodingliana Khiangte(Ed. ZOEN) ni bawkin kan palai a hrilh danin March Ni 10 hi Theiriat khua a Lo neitu te tan Lo hal leh kangmei ven ni hnatlang atan NREGS hnuai a inhlawhfakna ang a hman a ni a. NREGS hnatlang ang a ngaih anih ang hian tuna vanduaina tawk ta te pawh hian an mahni Lo an hal a, tlaiah hming lam leh vek ani a, mahse hetah hian an kim ve ta lo a ni. Hemini hian hmun hrang hrang a kaldarh an nih hlawm avangin ngaihthatlohna vak pawh a awm lova, zar dar 10:00 vel thleng khan an la haw loh avangin an chhungte chu an ngaih a thalo hle tawh a, mahse an chhungkua hi khawtlang tihbuai hreh tak chi chhungkua an nih avangin engmah an sawi chhuak lova. Dt 11. March) dar 7:00 khan an chhungkhat laina hnai te chu an ngaihthat loh thu an hrilh a, hei hi VC leh YMA te chuan hriain an ngaihven zui ta a, an Lo halna hmun enturin lamkal an in tir nghal a, anni hian (11 March) zing dar 8:30 vel khan an Lo halna ah chuan kanghlumin an va hmu ta a ni a ti. Hemite hian engtinmah khawih lovin VC hnen a thu an thlen rualin Police hriattir nghal a ni a, nimin khan Lunglei Civil Hospital-ah Potmortem nghal a ni.

Ruang an va hmuh hian kawr te deuh bulah insi rial a thuin an lo awm a, an kang chhe hle a, an taksa hmuh tlak vak pawh a awm lova, Kuang nen an va la ringawt niin a sawi. Chhiat an tawh chungchangah hian Hrangchalkawn VC/YMA te hnenah leh Sub. Hqtrs. YMA hruaitu ten an tawiawmna ah Theiriat VC te an lawm hle tih a sawi. Lunglei DC Pi M. Zohmingthangi chuan Rs 20,000/in a tanpui nghal bawk.

Red Knight ho kutah Utd. lut dawn em ?

Mihausa intel khawm Man. Utd Fans Red Knights ten he Club hi lei an tum tih boruak leng vel mek ah Man. Utd Manager Sir Alex Ferguson pawhin heng mihausa intelkhawm te thil tum hi a phur puiin support a pe ni a sawi a ni a, mahse, Sir Alex Ferguson chuan thuthang diklo leh dawta ni tiin a sawi. Red Knights lam chuan Sir Alex Fergusson chu a inrawlh loh thu leh amah pawh dawrna pakhatmah an neih loh thu BBC Sport an lo hrilh ve thung. Utd spokesman chuan Man. Utd. Club neitu Glazer family te leh manager te hi an thu a in rualin 100% in an in ringtawn a ni a ti a, chuvangin Club hralh thu ah hian Sir Alex leh Club neitu lam te inkarah boruak dang pel hena pakhatmah awm lovin thukhat vuain an inzawm a, Club hralh hi an phal lo bur a ni a ti . Ahma lama Club hi hralh a ni dawn tia alo than tawh avangin Fans te chuan hralh an duh loh thu leh hemi dodalna hi tunah pawh hian an lo lan tir hman tawh a ni.Fergusson hian Red Knights ah hian thian tha chu a nei.

Carraghera’n Reds a chhuahsan dawn

Liverpool defender Jamie Carragher chuan Liverpool a chhuahsan tur chungchangah harsatna engmah a awm lo niin a sawi a, a home town club hian tuna a contract hi pawtsei turin ruahmanna engmah an siam lo niin a sawi. Kum 32 a upa hian contract hi kum 1 dang a la nei a, mahse inbiakna engmah an nei tawh rih lo a ni. Sunday Times a hrilh danin Carragher chuan “ Ka theihtawp a tha in ka khel reng a, ka chhuak anih chuan ka chhuak chiang viau ang a,min tibuai tawh tur a ni lo”a ti. Carragher hian a hun tam zawk hi Anfield-ah a hmang a, Club tan hian vawi 500 chuang a khel tawh a ni. Central defender atan a tha takzet a, kum 1997 khan Middlesbrough lakah debut a lo siam tawh a, amah aia Reds tan a tun season Premiere League-a khel tam la awm chhun chu Dirk Kuyt leh Lucas Leiva te chiah hi an nih hmel a ni. Hetihlai hian Benitez chuan Carragher tan hian engmah chanchin thar a awm hlei nem, a duh phawt chuan Club-ah hian a la awm reng ang tiin a sawi.

World Cup atan England dinhmun thalo a ti

World Cup winner Sir Geoff Hurst chuan tun summer World Cup South Africa a neih turah chuan hnehna chang turin England team chu an tha tawk lo tiin a sawi.

Kum 44 zet liam ta a England team, hlawhtling tak a lo hruai tawhtu Hurst hian tun a Fabio Capello an squad a siam dan chu belhchian a dawllo hle niin a sawi . Hurst hian 1966 World Cup-ah khan hat-trick a lo siam tawh a, tun dinhmunah chuan England hian semis chiah a thleng ang tiin a sawi. Hurst hian England chu tlar hmalam a ding te an tha tawk lo tih a sawi a, duhthusamah chuan Wayne Roooney leh Fernando Torres te hi ding tlang thei ngat se chuan England dinhmun chu a danglam khawp ang tiin a sawi a, mahse hei hi thil theih a ni si lo.

Tun dinhmunah chuan Aston Villa frotnman Emile Heskey chu Capello hian first choice striker atan a dah a, attacking-ah Rooney a dah a, hei vang hian a ngaih a tha hle thung a ni.Jermain Defoe, Carlton Cole leh Darren Bent te pawh squad-ah chuan an awm dawn tho a, mahse Hurst chuan Peter Crouch chu England tan a mi tha ni a sawiin Heskey erawh a fak vak lo thung. Tottenham striker hian England in friendly a Egypt 3-1 a a n hneh tum khan a ti goal a, match 37 ah vawi 20 ti lutin England goal scoring record a siam hial a, hetiang tak anih avang hian Hurst chuan ‘ Crouch hi chu Rooney partner tha ber a ni a, Emiley Heskey tih theih ang chu a thei vek a, a maherawhchu a pawimawh ber a chu goal tam zawk tihluh hi a ni” a ti.

Hurst chuan Capello an squad a siam dan chu World Cup champion na khawp

Anu Malika hmaah Tini Mohini a zam ve nasa mai

Indian Idol a tel tur a Mizoram aiawh tur Gurkhali Nula Tini Mohani Thapa chuan he Indian Idol a tel tur hian rahbi a chhep mek zel a. Tunthla tawp lam hian Mumbai a Theatre pakhatah hun pawimawh tak he Idol atan a nei dawn. Tini hian Audition test a paltlang hnuah Registration pawh a ti fel vek tawh. Hetihlai hian Mizoram atanga he Idol show a tel ve tur midang zawng te chuan Registration hi an ti ve thei ta lova, registration tih tuma zuk kal te chu an rawn haw hil hiau hlawm ta a ni. Registration an tih theih loh chhan hi chanchin thui tak sawi tur a awm niin an sawi. Tini hian Audition an neih lai a Indian Musician Lar Anu Malik hma a a zai chu nasa taka a zam thu leh Anu Malika’n a Comment na pawh engmah a hriat loh thu a sawi.

Oscar Award::Hurt Locker

Los Angeles: Iraq War chungchang behchhana Film siam ‘The Hurt Locker’ chuan nimin khan Oscar Award la in golden statuettes 6 a la a, Best Director award chu khawvel hmeichhia zing a hmasaber atan Kathryn Bigelow chuan a la a, he film hi US Bomb sut thiam te Iraq a an chet vel dan lantirna niin Indona muala kum 7 zet an awm dan lantirna a ni. A pasal hlui chu Film siamtu lar James Cameron kha a ni a, ani pawh hi Film siam lamah chuan nasa taka lar in Avatar film a siam pawh tunhnaiah a lar hle. The Hurt Locker film siam nan hian USD 16 mtd. vel an hmang a, Best Film, Best Orginal Screenplay, Sound Editing leh Mixing-ah te pawh tuma tlukrual an ni lo. Kum 58 a upa, Bigelow hi hmeichhiaah kum 82 chhung a Academy Award a Golden Knight la thei hmasa ber ani. He Category-ah hian mipa an langtam zawk a, hmeichhe filmmaker chu 3 chiah an lang. Bigelow chuan “ Hei hi a taktaka ni si maw, ka lawm dan hi han sawifiah dan vak pawh ka hre lo” tiin a sawi.

Wonmen Reservation Bill

New Delhi: Bill chhinchhiah tlak tak Lok Sabha leh State Assembly a hmeichhia te tan a Seat 33% lai hauh na tur Bill chu vawiin khan Rajya Sabha-ah putluh ani a, he Bill hi nimin khan Vote lak a ngaihtuah tur a tih chu harsatna a awm avangin vawiin hian Vote lak tur a tih a ni a, SP leh RJD te chuan he Bill pass hi an duhlo hle a ni. Bill putluh ni hi International Women’s Day nen a in ang chiah a, UPA Chairperson Pi Sonia Gandhi phei chuan he Bill pass tur hian a nawr na hle tawh a ni. Rorrellai hian passed duh hle mahse an mahni thlawptu thenkhat Samajwadi party, RJD, Lok Shakti leh Bahujan Samaj Party te chuan an duhlo hle a, anni bakah hian eptu party lian BJP leh Left te chuan an duhlo hle bawk. Heng MP te hian nimin Rajya Sabha-ah phei kha chuan vawi 5 lai adjournment nei turin an ngiat a, Dalit hmeichhia, OBC leh Hnamhnufual/tenau zawk te seat hauhsakna engmah a awm chuang lo tiin tan an khawh a ni. Hemi hma hian PM Dr Singh chuan hetiang Bill dangdai(Historic Bill) ah hi chuan Party tin te in lungrualna tha a pawimawh tiin a sawi a ni. DMK leh Trinamool Congress pawhin Dalits te leh hnam tenau te pual a dah dan awm se tiin PM chu an lo sawipui tawh a, West Benglal leh Tamil Nadu te chuan kumin kumtawp lamah neih ni se an ti. He Bill hi Lok Sabha-ah pawh namen lova inhnialna thlen tu a ni a, House adjourned hial a ni a, engtinge an kalpui zel dawn tih chu nghah phawt a ngai a ni.

Nu ber len chhuah fo CM nupuiin tha ti lo

Aizawl 8.03.’10:Khawvel pum huap Hmeichhiate Ni (International Women’s Day) chu Aizawlah vawiin khan MHIP Gen. Hqtrs huaihawtin Chanmari YMA Hall-ah hman a ni a. Indian Society on Tobacco and Health Mizoram Chapter President leh Mizoram CM thiannu Pi La Riliani’n he hun hi khuallian niin a hmanpui. Khuallian Pi Lai Riliani chuan India rampum huap leh Mizo hnam bil zingah hmeichhiate thlauhthlak an nih thin dan a chinchhuaka sawiin tunlai khawvelah erawh chuan hmeichhiate hian mipate tlukpui chanvo leh mawhphurhna kawng tinrengah an nei chho ve ta hi thil lawmawm tak ani a ti a. Inchhungkhura nute mawh phurhna pawimawhzia sawiin nu ber pawn chhuah tam lutuk avanga chhungkuain a tawrh theih dan lakah fimkhur a tul thute a tarlang. Mizo hmeichhiaten zirna, sumdawnna, sorkar hna thlenga mipate chanvo an tawm phak tawh mek lai hian politics leh kohhran huangah erawh hmasawnna tur a la awm thu tarlangin India Sorkar rorelna sang berah hmeichhiate seat za zela sawmthum pathum (33%) hauhsakna tur bill putluh ani mek chu thil lawmawm tak a ni a ti a. He bill hi pass anih hunah phei chuan Mizoramah ngei pawh hmeichhe MLA engemawzat neih theih a ni ve ang a, chuvangin hmeichhiate inbuatsaih a pawimawh a ni a ti.Mizo hnam tlemte leh intodelhlo tak kan ni chunga sakhaw khat, tawng khat hmang kan nih avangin mizo hmeichhiate tan remchanna thui tak awm hi hmang thiama midangte tana malsawmna ni turin MHIP Member zawng zawngte a sawm a, thil thalo leh dik lo pawmzam zawnga hmasawnna hi kan do dal tlat a tul a ni a ti.Kumin he ni thupui Equal Right, Equal Opportunity chungchang pawh tarlan niin programme hlimawm taka buatsaih a ni.He hunah hian mi pawimawh engemawzatin thu an sawi bawk a ni.

Cheraw kan hunah Ambika Soni

Pu P.C.Zoramsangliana, Art & Culture Minister chuan Guinness Book of World Records siam tura buatsaih, “Cheraw Kanpui” March 12 a neih tur a Khuallian atan Union Minister of Information & Broadcasting Pi Ambika Soni chu sawmna a thawn. Pu Ramsanga chuan a sawmna copy hi Pi Sonia Gandhi, UPA Chairperson leh AICC President nibawk leh Pu Lal Thanhawla, CM hnenah pe in, Pi Sonia hnenah pawh Pi Ambika Soni hi rawn kaltura nawr turin ngenna thu a lo thlen a ni.Cheraw kanpui rawn hmang tur hian phai lam chanchinbu engemaw zat an lo tel dawn a, hengte bakah mi pawimawh leh Cheraw kan lama tuimi India ram leh pawn lam atang pawhin rawn tel tum an awm nual tawh a, heng zingah hian Pu M.K.Guntos, Addl. C.S., leh Tourism Secretary, Sikkim sorkar te, Pu DD Ingty, Chief Commissioner, Customs & Excise, PU SG Baruah, Commission of Customs & Excise, NE Region te pawh an rawn tel dawn a ni.

Sum an dawn belh tawh

Sanitation Deptt. in bawlhhlawh paihna an kalpui mekah Oil lei na atan LAD Minister chuan pawisa a rawn pek belh a, hei vang hian harsatna an tawh chu an pumpelh leh dawn ta niin an sawi. Hetihlai hian bawlhhlawh paih nan hian LAD pawisa an lo hmang lawk thin a, tun a pawisa an hmuh pawh hi LAD pawisa an puk rulh nan hman leh phawt a ngai dawn niin kan thudawnna chuan a sawi bawk.

Tui Bill pekna thar an lawm

PHED Lungleiin Lunglawn Elevated Water Tank hnuaia Tui Bill pekna an siam thar nimin a hman tan takah mi 113 in Tui Bill hi an pe a, a pe hmasaber chu No G. Lalnghakmawia s/o R. Lalrinkima a ni a, Bill an pek zawng zawng hi Rs 16,090/- a tling hman. He Bill pekna ah hian Connsumer mi 1384 an awm mek. Hetihlai hian Serkawnah pawh 1st April atang hian Tui Bill pekna hi hawn leh an tum a, Serkawn, Pukpui, Zotlang leh Zohnuai ten an pe ang a, tun dinhmunah consumer1335 an awm mek tih EE Pu Ngentluanga chuan a sawi.

Red Ribbon Road Show

Vawiin dar 1:00Pm khan MIZOFED Dawr kawt Venglaiah Red Ribbon Road Show neih a ni a, hetah hian LDF Cable leh LPS in Red Ribbon Icon intihsiakna an buatsaih a Top 3 theuh ten zai a hun hmangin AIDS Awareness campaign an nei nghal. He hun a khuallian Dr. Lalramzauva, Medical Suptd. CHS chuan Mizoramah HIV natna hrik 5000 lai hmuhchhuah tawh a ni a, chuvangin he natna kai lo tur hian mitin kan in ven a pawimawh a, AIDS natna laka in ven nan chuan insum theihna leh rinawmna a pawimawh ber a, tunlai a AIDS venna atana hmanlar ber CONDOM hi chu a pathumna chauh a ni a ti. Drugs leh Sex tel lovin hlim takin nun a hman theih a, he natna kai lo tur hian mitin inven a ngai a ni a ti. Tun dinhmunah Mizoramah naupang 164 te chuan he natna hi an vei mek a, Kum 14 hnuailam mi 175 in an kai a, kum 15-24-ah mi 1097 in HIV hrik hi an kai tawh niin an sawi. He Raod Show-ah hian School naupang kal an thahnem hle a, Traffic movement pawh an tibuai thei hial a ni.

Judge Vs Ukil thu in hmu lo

Dist & Sessions Judge Lunglei  Pu R. Lalthazuala’n MACT Case khawih muan a nihna chhan chu Ukil te vang ni a a sawi chungchangah Lunglei a Ukil te chuan hei hi an hrethiam lo hle. Ukil te chuan “MACT hi Pu KL. Liana a rawn thlak pawh khan MACT case hi khawih ve mai tur a ni a, mahse a duh tlat lova, High Court Order a nghak lui tlat zel a, thla hmasa lawk khan MACT hi Lunglei a khawih leh tur a hriattirna dawn anih khan a pension hun hi a lo hun tawh si a, chuvang chuan Ukil ten he Case hi kan buaipui ngam tawh lo zawk ani” an ti. Pu Thazuala hian 31 March 2010 hi a Pension hun tur emaw a lo ti a, mahse 28 Feb.2010 kha a pension hun tur a lo ni tawh a, kha kha Ukil te chuan kan hre kar a lawm an ti. Hemi chungchangah hian Pu Thazuala chuan kan palai zawhna chhangin “Ni e, 28th Feb. kha ka pension hun a lo ni reng a, 4th March khan min release der tawh a, Pu Vanlalmawia Addl. Dist & Sessions Judge hnenah charge ka pe ang” a ti.

Lunglei pa hlun leh mipui thlavang hauhtu Sapliana Chawngthu a fam

Lunglei 8.03.10:Lunglei pa hlun leh Lunglei mipui tan a thahnemngai taka thawk thin tu Pu Sapliana Chawngthu(73) Lunglei Barzar veng chu Thisen sang leh natna hrang hrang avanga hun engmawchen Christian Hospital Serkawna a awm hnuah tukkin zing dar 8:45 khan a boral ta. Bazarveng YMA hotu Pu CMS Dawngliana hnen atanga thudawn danin Branch YMA inkaih hruainaah chuan dar 9:00Am hmalam a boral chu lumen loh tur a ni a, mahse amah hi Bazar veng leh Chhimbial mipui tan a mi chhuanawm leh tangkai, mi uihawm chungchuang anih avangin Branch YMA hruaitu te Emergency Meeting chuan lumen nise tiin  Dt 9.3.10 chhun dar 12:00 hian Bazar veng thlanmualah vui nise an ti ta a ni a ti. Pu Sapliana Chawngthu hi Ni 13.3.1938 khan Khawbung (Champhai Dist)-ah piangin kum 1965 khan St. Edmunds College , Shillong atangin BA a zo a, kum1970 khan Jorhat atangin BT a zo leh a, kum 1965-ah khan Govt H/S Lungleiah zirtirtu hna thawk in kum 2000 July thla khan Govt HSS Lungleiah Principal niin hei hi a pension pui ta a ni.


Kum 1961 khan Pu A. Thanglura te nen Lungleiah Congress Party an din a, Gen. Secy a ni nghe ngh. A thatlai hun khan LDSC/LDSA-ah te Secretary niin kum 1985,86,87-ah te Mizoram Tennis Veteran Champion te pawh a lo ni tawh. Lunglei Night College, tun a Govt J. Buana College din anih khan Governing body-ah Secretary hmasaber a ni. Sorkar hna atanga a Pension hnu hian Consumer tan thahnemngai tak a thawkin vawiin thleng hian Lunglei Dist. Consumer Assn-ah President a ni a, a hmalakna hi mipuiin abiktakin Gas ah leh Cable TV-ah te an chhawr hle. ZNP-ah te pawh Candidate hial a lo ni ve tawh a, hemi hnu hian Congress Party zawmin tunah hian LDCC-ah Adviser a ni mek a, High Powered Comtt (HPC)-ah member a ni Rawngbawlna lamah Bazarveng BCM Kohhranah rawngbawltu a ni mek. LDSC Gr. No I Thuamluaia Mual ti a thlakna tur ah pawh khan a sulsutu ber pakhat a ni.

4th place Play-Off puitling thei dawn lo

Premiere League chuan fourth place te tan a play-off siam tur a ruahmanna a siam tawhchu ngun taka ngaihtuah anih hnuah an hawl ta. Ningani a Premiere League board meeting chuan tun dinhmunah chuan fourth place te khelh kual tir zel chu tul rih lo niin an sawi a, a tir a ruahmanna an siam hi Man. Utd., Chelsea, Liverpool leh Arsenal te chuan rangtakin an duhloh zia an ti lang nghal a, hetihlai hian Club dangte chuan he Idea hi a principle chuan a tha viau a lawm an ti thung. Ruahmanna thar an han puanchhuah chiah khan Liverpool boss Rafael Benitez chuan natakina dodal nghal a, hetihlai hian Aston Villa boss Marin O’Neill chuan a phurawm khawp ang chu , mi tu te emaw chuan an tangkaipui viau ami thei asin tiin a sawi ve thung. Ruahman dan ang chu nise, Premiere League club 20 zing a 14 te chu agreement siam danglam a ngai ang a, hei hian TV deal thlengin a khawih ang. Hetihlai hian Premiere League chief executive Richard Scudamore chuan he ruahmnana thar hi a thlawp zawng a che an tam lo hle niin a sawi a, hemi chungchang hi sawizui pawh a ngai tawh rih lovang a ti.

Davis Cup-ah Hat-trick siam an tum

Spain chuan a zawn a a vawi thumna atan Davis Cup title chu tun weekend-ah hian lak an tum hle dawn a, Logrono-ah Switzerland nen an in khel dawn a ni. Tunah chuan World No 2 Rafel Nadal chu a khup na a dam tawh a, David Ferrer leh Nicolas Almagro te chu singles rubber-ah an awm chho ang. Eight ties dangah World No 2 Novak Djokovic chuan Belgrade-ah Serbia chu United lakah a lo hawi champ pui ve hle tawh bawk. India pawh kum 12 hnuah World Group-ah hian tel in Moscow-ah Russia nen an in hmachhawn ang. Hetihlai hian tunhnai lawk khan Lirnghing in a sawisak, Chile pawh in an vawi khat na atan Coquimho-ah Israel an hmachhawn ang. World Group 1st round te chu: Spain V Switzerland, France V Germany, Rissia V India, Sweeden V Argentina, Croatia V Ecuador, Serbia V US, Belgium V Czech Republic, Chile V Israel.


Chile star Fernando Gonzalez chuan Beiseina sang tak thu ka rawn thawn a, hei hian chakna thar a pe ngei ang che u tiin a sawi a, kan mi leh sa, kan ram tan he hunharsa tak karah hian hnehna kan chang tur a ni tiin a sawi.

Car racing-ah India mi Chandhock 1-na a ni

India mi Karun Chandhok chu New Hispania Racing F 1 team ah chuan BBC Sport in a puanlawk ang ngeiin pakhatna a ni ta.


Beiseina a sang tan...

Kum 26 lek a upa, India tlangval hian Car hmanga intlansiakna Ningania neih ah khan Hispania in Car thar an siam chu a khalh a ni. Hespani hi Compos team hming thar anni. Team boss Colin Kolles chuan “ Kum 2010 a tan hian platform tha tak kan nei” tiin a sawi.

Race 2 a lo la daih tawh....

Chandhok hian kum 3 kalta GP2 feeder series-ah khan race 2 chu a lo la tawh a, khatah khan Senna team-mate niin Brazilian pa hi chu runner-up a ni. Chandhok hi tihian Indian driver zingah F1 awm tawh hrim hrimah champion hmasaber pahnihna a ni ta bawk. Kolles chuan GP2-ah hian Karun a performance hian min ti lawm hle a, India hi ram ropui tak ani a, Indian driver te pawh First Indian Grand Prix-ah chuan an ropui zel dawn ani” tiin a sawi.

Nakumah India-ah F1..

India hi kum 2011 khian Delhi-ah Grand Prix hi a vawi khatna leh a hmasaber atan thleng tur a ngaih a ni a, thlenna tur hi Delhi atanga 35 miles-a a hla ah a ni. Hispania te hian Italian race Car Constructor Dallara te siam Car an hmang thin a ni. India team te hi karleh season Opening hawnna Bahrain-ah an kal ve dawn a, hetah hian test na engmah an nei lova, driver pahnih F1 Experience nei miah lo te an tir dawn a ni. Lotus leh Virgin team te an hmaah hian an la awm ve mek thung a ni.

Karthiyen pawh a awm...

US F1 te chu tun kar tir lam khan an lo out tawh a, amaherawhchu 2011 race-ah erawh beiseina an nei lian hle a ni. Tarlan tawh angin Chandhok hi Indian driver F1 a tel hmasaber pahnihna niin Narain Karthikeyan chu kum 2005 khan Jordan-ah 19 race-ah a lo tel tawh bawk.Tunthla tir lam a management reshuffle-ah khan co-founder Jose Ramon Carabante chuan 100% ownership chu team-ah hian a nei a, a partnet Adrian Campos chu Kolles chuan a thlak bawk a ni.

Mizoram Top Model DC Complex-ah in lan dawn

Dt 12th March, 2010(friday) tlai dar 5:00Pm-7:00pm hian MHIP in a din rualbanlo te zirna Onyx Special School, Lunglei tanpui nan ‘Colour’s Gala’ DC Complex, Lungleiah neih a ni dawn.


He ‘Colour Gala ah hian Mizoram top designer Numami ‘Magic N’ Char Lee ‘HHI Mizoram leh Zomawii Hrahsel ‘Zomawi Bridal Collections’ te’n an collection thar ber ber Mizoram top model te hmangin an pho chhuak ang a. Tin, handlooom & arts exhibition neih a ni bawk ang. Zanriah tuihnai tak kil nghal a ni ang.

Editorial::Vathuampui Branch YMA te an rikrap kha a mak hle...

Vathuampui Branch YMA te chung a YLA te thiltih dan thenkhat ni a Sub. hqtrs YMA hnen a report dawn hi Mizoram chhung a thil thleng tak tak atan chuan a awihawm loh rum rum a, hetiang hi thleng atan pawh a duhawm lova, report tute hian an uar em ni tih mai pawha awl, mahse Sub. Hqtrs YMA Confe-ah meuh khel ho anih takah chuan thudik ngei zawng ani ta si a, hetiang thil thalo leh boruak chhe lutuk hi tunhnuah chuan khawiahmah thleng tawh lo se a duhawm hle ang.


Mizoram chhungah hian Mizo hnahthlak peng hrang hrang Lungrual taka kan awm hi a pawimawh ber fo a, chutah chuan tu te pawhin midang kha kan zah an ngai a, a lianber in a lenna chhuang a, a te zawk leh zuamawm zawk kan pawngnek hi a chi loh. Hnam lian zawk leh tam zawk in a a tlem zawk chung a hleilen hi khawvel in a duhloh em em ani a, chuvangin Vathuampui Branch YMA chung a thil tha lo tak thleng thin pawh hi tun hnuah thleng tawh lo se a tha ang. Hetiang ni lova, a paukhauh zawng leh a pawr zawng a YLA thenkhat an che zel dawn anih chuan YMA member te hian an ngaithei lo mai ang a, buaina zau zawk a thlen ang tih a hlauhawm. Chuvangin rilru fim tak tunhnuah kan unau YLA(thenkhat) te pawh hian hmang se kan tha tlang awm e.

Zoram Ni hman a ni ta

Vawiin Dt 5.03.2010 khan Central YMA Hall Tuikhuahtlangah ‘Zoram Ni’ hman a ni a, he hunah hian thusawi tu hrang hrang Dr. Samujal Batacharya NESO Chairman, MZP President VL. Krosshnehzova, R. Zamawia, JV. Hluna te bakah Neso Vice Chairman Muanpuia Punte te’n thu an sawi. He hun hmanpui tur hian Assam S.U. Vice President pawh a lo kal a ni. Dr. Samujal Batacharya chuan North East lam hi Central Sorkar lam hian min ngaihsak loh zia sawiin, hmun dang Punjab etc. te an ngaihsak em em laiin, North East lama Bomb an rawn thlak hi ngaihthah kan hlawh bik a ni a ti.He hun an hmannaah hian Zoram pawn lam Manipur, Tripura leh NE Student Union ten he hun tluang taka an hman theih nan Massage in duhsakna an rawn hlan. He hunah hian Party hrang hrangte pawh an tel tha hle ni a thudawn a ni bawk.

SSA DPC thar atan Dawnga

Pu PC. Hranghnuna SSA DPC Lunglei chu a pension tak avangin vawiin khan amahthlaktu tur Pu R. Laldawngliana Lungsen SDEO ni mek hnenah charge a hlan ta. Pu Dawnga hian hun engemawti chhung chu Lungsen SDEO nen hian a kawp rih dawn a ni.

VC Election nei leh dawn

State Election Commission, Mizoram chuan Village Council siamthar leh thiah takah te General Election/Mid-Term Election ni 7 April, 2010 a neih turin a puang a, Lunglei Dist-ah chuan Rotlang West, Sailen, Malsuri leh Thlengang ah te a neih a ni ang a, Thlengang-ah hian VC thiah (Bi-Election) ani ang a, a dangte hi chu VC thar tur an ni. VC a in candidate tur te chuan 15th March hmna ngeiin an Nomination an siam ang a, 17th March(Upto 12:00Noon) thleng a inhnuhdawh theih dawn a ni.

Lunglei khawpui chhunga Lirthei tlan vel dan tur SP hovin an sawi

Lunglei 5.03.10:Lunglei Dist Suptd of Police Pu Lallianmawia chuan DIG Southern Range Office ah Lunglei khawpui chhunga VC te leh MJA hruaitute kawmna neiin Traffic chung changa ruahmanna leh rawtna lut atanga an siam te sawiho puina neiin Lunglei khawpui a Traffic chung changa hmasawnna tur leh hmel thar put theih dan tur te nguntakin an sawiho.SP chuan khawvel hmasawnna chak taka kal mek chuan Lunglei khawpui pawh nasa takin a thang a, chuvang chuan Aizawl khawpui ang kan nih lohna turin tun atanga ruahmanna fel leh a theih anga tha a Traffic chung changa hma an lak thu a sawi a, Traffic chung changa hma kan sawnnatur leh a tha zawk tur a pian theihna turin rawtna kan lakhawm a, heng atang hian ruahmanna hrang hrang kan siam thar a, Lunglei khawpui ah lirthei a ni telin a pung chho zel a, nakin lawkah Pukpui atanga Aizawl kawng a tlang hunah phei chuan tun aiin Lunglei khawpui ah lirthei tlan leh tei vak a tam dawn avangin tun atanga kan lo inbuatsaih lawk a tul a ni a ti. VC leh MJA hruaitute chuan Traffic chung changa rawtna hrang hrang te an sawi lang a, heng zingah hian khawpui chhunga Lirthei Parking chung chang te, kawngpui sir a Workkshop neite kawngpui a lirthei chhe siam thin leh kawngpui sir a Lirthei tlan harsat phah khawp a lirthei dah thin tam tak awm leh Motor lian bungraw hlan thlak hun leh thilpawimawh hrang hrang te an sawi.


Hengte bakah hian SP hma lakna a Lunglei khawpui chhung a Traffic Revision ruahmanna siam te chu thlirho a sawiho a niin, Traffic Revision ah hian Lirthei tlan dan tur tih danglamna te (One Way), Road Marking (Zebra Crossing), Traffic Point then khat tuna awm mek te a hmun sawn a siam that rawtna te, Lirthei chi hrang hrang Parking Place tur te bakah Dropping Zone leh Lirthei khalhtu leh neitute awareness pek te, Traffic Sign mumal zawk siam a Point pawimawh lai a dah te, Kawngpui sir a Workshop nei kawng a lirthei chhia siam thin tih tawp tumna te a tel. Ruahmanna pakhata alan dan chuan Sobji Barzar peng, Hakha Road leh tuna Main Road Chanmari Biak In phei kawng chu One Way a siam tum a ni a,hei hi zinglam atan a ruahman rih a ni.Falkawn atanga Chanmari Synod Office bul kawngpui inkara lirthei Parking leh SBI bula Parking chung chang te pawh sawi lan a ni.

Sub. Hqtrs. YMA Confe. Darzo khua a neih mekah nimin khan boruak tha tak hnuaiah kum 2010-2011 Sub. Hqtrs. YMA President atan hengte hi an thlang: Pre:Pu P. Lalhmangaihzuala, Ramthar, Vice Pre: R. Chhuanvawra Theiriat, Secy: K. Lalfakzuala Farmveng, Asst. secy: Lalbiakzara, Serkawn. Tre: R. Lalnunthara Ramthar. Fin. Secy: T. Lalzika Salem. Tuntumah hian OB-ah hmelthar Pu R. Lalnunthara leh Pu T. Lalzika te hi an lang ta a, hetihlai hian Presidnet nilai Pu Johnny Zora Rangaw humhalh ti tha zualah 1st: Zotuitlang Rs 4000. 2nd: Zohnuaia Rs 2500 3rd: Tawipui N-I Rs 2000. An vai hian thuziak hlan an ni bawk. Khuallian Pu S. Laldingliana Parl. Secy chuan Sub. Hqtrs. YMA tan hian Rs 30,000/- a pe a, thlengtu Darzo Br. hi Rs 10,000 a pe bawk.a

Lunglei SP. Pu Lallianmawia chuan vawiin khan DIG Southern Range Office-ah Police Officer ASI chin chunglam te kokhawmin meeting a neihpui a, hetah hian SP chuan Lunglei Dist a Dan leh thupek bawhzuina leh Sual Do kawnga Police hmalakna leh hnathawh te sawiin, tha zawk leh nasa zawka hnathawk a hmala turin a fuih. Lunglei Dist chhunga Police hmalakna leh hnathawh thlir letna te an nei bawk.

Asen chi Um 400 an man

Nimin tlai dar 5:00pm vel khan Hrangchalkawn leh Hminlokawn inkar Polytechnic zawn kawngpui Culvert hnuai-ah Lunglei Excise te’n Sap Zu umchanve (180ml.) 400 an man a. Zu neitu hi a tlanbo hman avangin an man ta lo. Lunglei Excise Deptt. hian Storage tha an neihloh avangin Zu an man hnem changin an buai thei hle niin thudawn a ni a, tlemlai deuh a an amn te pawh kah an la kawl vek ani an ti.

MZP in agenda passed vek

Vawiin a MZP Gen. Hqrts. Federal Meeting chuan agenda an neih zawng zawng an passed vek a. Mizoram Sorkarin a enkawl School a zirtirtu inkhai rual lo, inkhai rual theih nan hmalak ni se, Zirtirtu Transfer buai a awm loh nan a khawmi ngei (Qualified) lak ni rawh se , 27 October 2010 a, Zirlaite Ni ah Zonun zemawi inzirtir a nih theih nan hmalak ni rawh se tih te, Mizoram Leilung hausakna laichhuah a lo nih chuan a thlitfimna hmun neih a nih theih nan MZP ten hmalak ni rawh se tih te, Hnamdang vai ten Mizo hnamah Sa an phun theih loh nan leh a phun tawhte pawh hnam dan kalh a nih avangin thiat turin hmalak ni rawh se tih te, Chakma Census neih tur Assembly a passed tih te, Mizoram leh Tripura inrina Kanhmun khawbulah Check gate siam a Mizoram Police te duty tir ve tawh tur a hmalak tih a ni.

Sipaiin mi 124 ha an ensak

Dt 4.03.10 khan 40 Assam Rifle te chuan HQ 23 Sect Assam Rifles hnuaiah Pukpui khua ah a thlawna Ha entirna Free Dental camp an nei a, mi 124 vel an en a, damlo leh a mamawh tan a thlawnin damdawi an sem. He Camp ah hian Capt Chinmoyee Rout, Dental Specialist leh Capt Sambit Sundaray te chuan damlo te hi an en a. Pukpui VCP chuan Sipaite chungah hian lawmthu a sawi. Pukpui a Clinic an neihna chhan hi chu an tan Doctor panna a hlat vang a ni an ti.

Sub. Hqrs. YMA Lunglei hruaitu thar

Sub. Hqtrs. YMA Confe. Darzo khua a neih mekah nimin khan boruak tha tak hnuaiah kum 2010-2011 Sub. Hqtrs. YMA President atan hengte hi an thlang: Pre:Pu P. Lalhmangaihzuala, Ramthar, Vice Pre: R. Chhuanvawra Theiriat, Secy: K. Lalfakzuala Farmveng, Asst. secy: Lalbiakzara, Serkawn. Tre: R. Lalnunthara Ramthar. Fin. Secy: T. Lalzika Salem. Tuntumah hian OB-ah hmelthar Pu R. Lalnunthara leh Pu T. Lalzika te hi an lang ta a, hetihlai hian Presidnet nilai Pu Johnny Zora Rangaw humhalh ti tha zualah 1st: Zotuitlang Rs 4000. 2nd: Zohnuaia Rs 2500 3rd: Tawipui N-I Rs 2000. An vai hian thuziak hlan an ni bawk. Khuallian Pu S. Laldingliana Parl. Secy chuan Sub. Hqtrs. YMA tan hian Rs 30,000/- a pe a, thlengtu Darzo Br. hi Rs 10,000 a pe bawk.a

LADC-a YLA te chet danah Sub. Hqtrs. YMA te an lungawi lo nasa

Darzo 5.03.10:Sub. Hqtrs. YMA Confe. Darzo khua a neih chu nizan khan a tiak ta a. Nimin rorelah LADC huamchhunga Vathuampui Branch te YLA in an rikrap danah Confe. rorel palai te an lawm lo hle a, Mizoram chhunga hetiang thil a thleng hi tunhnuah tawp tawh se an duhthu an sawi. Hemi chungchang hi Pu Lalduhthlanga LDF in kan palai a hrilh danin LADC huam chhung a awm Vathuampui Branch hi kum 1975 atang daih tawh khan mumal takin an lo ding tawh a, member 280 lai vel an nei a, hruaitu ah pawh Sorkar hnathawk fel tak tak te an awm thin a, Kum 2009 31st Dec. khan YLA hi a ding ve a, YLA hian YMA ding chu an hmumawh ta a, an hruaitu nilai Sorkarhnathawkte chu hmundanga sawnah te vauin YMA Secy. Pu K. Lalneihthanga LADC-a LDC thawklai chu Dt 3rd Feb. 2010 khan Lungtianah an lo transfered tawh a ni. Hetianga vauna an tawh reng avang hian OB dangte chuan YMA hruaitu an nihna chu an bansan hial a ni. Heivang hian tuna an hruaitu te pawh tumah Sorkar hanthawk an awm tawh lo a ni.


Hetianga anih vang hian Vathuampui Branch YMA chuan Sub. hqtrs YMA-ah harsatna an tawh chu an report ta a, niminleh niminpiah khan CYMA aiawh te nen uluk takin hemi chungchang hi an ngaihtuah a, hetianga Zoram chhunga pawl leh pawl invaubehna leh inrikrapna thleng hi a lungawilohthlak hle niin an sawi a, chi leh chi khawih theih anih avang erawhin fimkhur taka hmalak nise tiin hetiang hian an ruahman ta a ni. 1. LADC leh YLA hotu te hnenah Sub. Hqtrs YMA hruaitu te’n inbiakremna kawng zawn nise 2. YMA hruaitu an trasfer leh transfer an tum te chu a Copy neih nisi 3. A tul angin CYMA-ah lehkha thehluh nise tih te a ni. Thudawnna ina sawi zel dan chuan YMA in hun engemawtichen atanga Thlanmuala an lo hman tawh, mahse Pass an neih mumal loh chu YLA hian pass an lo siam khalh daih a, he hmunah hian YMA member thi te an in phum duh anih chuan Rs 500 zel chawi tur ten an lo vau bawk niin a sawi.

Heng zawng zawng thilthlengah hian Sub. Hqtrs leh CYMA chu YLA te chetdanah hian an lungawi lo takzet a, CYMA Treasurer phei chuan “Vathuampuia Br. YMA te’n nekchepna an tawh chungchangah hian CYMA in a tul angin hma a la ang a, lungawina a awm lo anih vaih chuan CYMA chu a ngawi mai mai lovang” tiin YMA member rual kalkhawmte hmaah a sawi nghe nghe a ni.

Synod Hospital khum 10

Mizoram Synod in Lunglei a Hospital-a din tur chungchangah kan palaiin Synod hotute a zawhchian naah nimina tarlan ang khan Pi Thanmawii w/o Pu Zahlira DFO In saksa,RCC Bldg. tuna Synod Office bul(Ono dawr Opposite) ami hi Rs Nuai 30 in Pastoral in a leifel tawh a, Building repair nan Rs Nuai 10 Budget-ah dah a ni. Synod Medical Board chuan he In lei thar hi Hospital atan hawh an dil angin SEC chuan a phalsal tawh a, mahse Hospital din tak takna tur hi hmundang an melh zawk a ni. Hospital din dan tur hi member 5 awmna Comtt. SEC chuan a siam a, anni hian 1st June-ah report an thehlut ang a, hei hi SEC in a ngaihtuah leh dawn a ni. Ruahman dan chuan khum 10 a awm ang a, Doctor 2 a awm bawk ang an ti.

Diesel leina tur an nei lo

Lunglei khawpui chhunga bawlhhlawh paih tu ber LAD Depty. under UD&PA chuan Motor lian a thun tur Diesel leina an neih tawh loh avangin bawlhhlawh hi an paih thei tawh lo mai dawn niin a lang. Hemi chungchangah hian Sanitation Offficer Pu Lalchawimawia chuan kan palai zawhna chhangin kumin January thla atang khan Diesel leina hi an ba tawh tih a sawi a, nikum October thla kha Diesel leina tur pawisa an hmuh hnuhnun ber a ni a, a ba a kal reng chu a theih tawh loh avangin Deptt. lam a an pawisa dil belh an hmuh theih loh chuan kar 2/1 vel bak bawllhlawh an paih theih a rin loh thu a sawi.

Luangmual Pitar a kang

Tun thawhlehni 2.3.10chhun dar 12:30 vel khan Lunglei Luangmual a 2nd BN MAP Type I Quarter bullawkah Pi Zachuaii(67) chuan a huan tawmhnawk a hal naah meikang hian a man a, Pi Zachuaii hi a kang na hle. Thudawnna in a sawi danin huan a hal lai hian meikanna chhaklawkah meikawng a sial a, hetihlai hian mei hian a rawn man ta mai a ni. Meiin a man veleh hian mangang takin a au nghal a, MAP Chowkidar pakhat chuan a tanpui ngal a, MAP MI room-ah lakluh anih hnuin Civil Hospital Lungleiah dah phei nghal a ni. Pi Zachuaii hi a taksa pum tih theih deuhthaw a kang a, a kut leh ketin zawng zawng a kang ral vek a, a sam pawh a kang nual. Lunglei Doctor duty ten rangtakin an lo bawihsawm nghal a ni. Pi Zachuaii pasal hi a boral tawh a, a fapa MAP bulah awmin a tute pahnih chu nu leh pi nih nen a enkawl mek .

Aaron Ramsey zai a ngai dawn

Aesenal’s Aaron Ramsey chu Saturday zan a Stoke ho 3-1 a an hneh tum khan a ke a ti na tlat a, kha kha rinai takin a serious-a zai a ngai dawn niin a lang. Ramsey hian a ke dinglam hi a kephah leh a ngalrek inzawmna laiah a ti na a, a ruh a khawihna hle niin a lang. He tlangval kum 19 lek a upa hi Wales International niin Ryan Shawcross nen an inchilh a, khata tang khan field atanga zawn chhuah a ni. An zawn chhuah tum hian a mittui a tla zawih zawih nghe nghe a ni. Hetiang deuh chiah hian Wenger hian Abou Diaby chu kum 2006 khan Sunderland-ah a lo lost tawh a, Wenger chuan kum 19 mi lek hetianga hliampui an tuar hi a rilru natthlak khawp mai tiin a sawi.

Winter Olympic-ah Canada sang ber

Vancouver-a Winter Olympic neih chu ni 17 chhung zet chawl lova an neih hnuah Sunday zan khan ropui tak a khar a ni ta a, tarlan tawh angin a thlengtu Canada chuan Gold 14 la in table-ah chungnungber nihna an hauh ta a, heibakah hian Silver-7 leh Bronze-5 an la . Hetihlai hian an mahni hnaihbertu USA chuan a pumpuiah Medal 37 an la thei tawk thung a ni. British tan hian Amy Williams chuan Gold a la ve hram a, hei chiah hi tuntum Games a an lak chhun a ni. Olympic chief Jacques Rogge chuan “ Tuntum game hi a dangdai hle a, he Games tan hian boruak tha tak a awm thei bawk a, a lawmawm hle” tiin a sawi. Closing ceremony-ah hian Olympic meichher mawi taka chhit a ni a, he mei thuk atan hian Ice crystal ke li nei hman ani a, hei hi Opening Ceremony-ah khan chhit alo ni tawh bawk.

Celtic in R/Card hmuhdan appeal tum

Sunday zan a Celtic leh Rangers te Ibrox a an in khelh tum a , an Captain Scott Brown Red card pek anih chungchangah Celtic chuan thuneitu sang lamah appeal an tum tih an sawi . Khami zan khan Celtic hi 1-0 in an chaklo a ni. Ranger forward Kyle Lafferty laka 65 mins naa a chet bawraw deuh(wrestling) niin an sawisak a, kha mi avang khan midfielder hi hnawhchhuah a ni a, mahse khami chungchangah khan Celtic website lam chuan Referee Dougie Mc Donald thutlukna siam dan kha a controversial hle a ni tiin a sawi. Celtic chuan khami film kha TV ah ennawn leh nita seng, tumahin Red Card-ah an ngai lovang tiin a sawi. Brown a Red Card hian inhnialna tawp thei lo a siam dawn niin an sawi. Former referee Kenny Clark leh Stuart Dougal te chuan McDonald a thutlukna siam dan kha an sawisel ve mek bawk a ni.

Bellamy comment danah JT lawm lo

Chelsea player John Terry chuan Stamford Bridge-a Man. City laka an tlawm tum a, Craig Bellamy an a comment dan chu a duhlo hle tih a sawi. Man. City in 4-2 a hnehna an lak tum khan Striker Bellamy hian vawi 2 a ti lut a, hemi tumah hian England Captain hlui hi a nungchang a phawkphawhraw hle niin a sawi a, “ JT hi mi zawng zawngin kan hria a, football-ah enge anih pawh mi zawng zawngin kan hria a, tuntumah hian field-a a chet dan kha chu ama chetdan piahlam ani” tiin a sawi a, hemi chuungchangah hian Terry chuan chhang let ve nghal in “Glass house chhung a awm te chu tumahin lungin an vawm tur a ni lo” tiin a sawi. Khami tumah khan Bridge chuan Terry kha chibai a tum a, mahse Terry hian a chibai ve duh lova, home fans te chuan Terry hi an lo booed khum nasa hle anih kha. Hetihlai hian Man. City Captain Shay Given chuan “Khami tum khan enge thil diklo ka hmu ve miah lova, mipui an hau eu dur dur kha a ngaihna ka hre lo khawp mai” tiiin a sawi.

FA Cup no mawi Rooney leh Alexa’n chawikang

Carling Cup chu Man. Utd. chuan an la ta nge nge a, final-ah hian Aston Villa chu 2-1 in an hneh a, hemi tum hian Nemanja Vidic Red card hmanga hnawhchhuah a ni lo chu “A vannei takzet ani” tiin Sir Alex Ferguson chuan a sawi.


Utd boss in vannei a ti..

Tan atanga reiloteah hian Vidic hi Gabriel Agbonlahor laka a foul avangin Villa hian penalty an hmu a, hei hi mawi taka ti lut in hma an hruai a, hemi tum a Vidic an Agbonlahor a va kalh tlu hi Red Card pek pawh nise Sir Alex hian a awm reng tho a ni tiin a sawi a, “Red Card a hmu lova, kan vannei tak zet a ni” tiin a sawi. Hetihlai hian Villa boss Martin O’ Neil pawhin “ United khan player 10 nen chauh pawh khan khel ta sela, Universal hian an pawmpui tho ang” tiin a ngaihdan a sawi ve nghal. Villa boss hian khami chungchangah khan referee thutlukna kha a thalo hle tih a sawi zui nghe nghe a ni.

Vidic pawhin a pawm e...

Carling Cup final-ah hian referee Phil Dowd chuan Yellow Card vawi 4 a phawrh a ni. Vidic pawhin Agbonlahor a kalh tluk danah khan a diklo ngei ani tih a pawmthu a sawi a, amaherawhchu a tum reng vang a ni lo niin a sawi. Hetiang anih avang hian Red Card em chu hmu turah a inngai lo tih a sawi a, a chhan chu hnung lam atangin a kalh lo tih niin a sawi a, penalty a hrem anih kha chu a pawm tih a sawi bawk.Hemi chungchangah hian Former Premiere league referee Graham Poll chuan referee Dowd thutlukna kha dik hle niin a sawi a, a hun a zir a Red Card a pe lo te kha referee fing awmdan ani tiin a sawi.

Goal ti lut tu te chu...

Villa tan a James Milner an Penalty hmang a a tihluh hi Michael Own leh Wayne Rooney te chuan United tan hian an sut a, Rooney hian 74 mins ah a head lut a ni.

Rooney a hlim nasa...

Carling Cup final an lak chungchangah hian Wayne Rooney chu namen lovin a hlim a, ani hian a tir atangin a khel lova, Michael Owen khan a mawngtam tha a tihnat avangina thlak a, field chhung a a luh atanga reiloteah goal a thun nghal pang mai si a, lawm lohna tur reng a awm lo bawk a ni. “Wembley-a final khelh a chak leh nghal chu nuam tak a ni, chutah ka scored bawk si a, ka goal tih luh kha kan chakna tur goal ani ang tih ka ring pha lo reng reng” tiin a sawi.

Rooney faktu an awm....

Rooney hian a hma deuh khan a pum hi chiangkuang lo deuh in a sawi a, mahse final-a atir atang a a lut lo kha a lungawilo deuh hlek a, mahse a hnuah chuan manager remruat dan kha a lo tha khawp mai tih a sawi.Villa boss Martin O’Neill meuh pawhin Rooney tihluh dan kha a mawi hle niin a sawi a, “ World class player diktak a ni, khawvel a player tha 3 thlan tur nita se Rooney hi ka telh ngei ang” tiin a sawi belh.

Chile-ah rukru an hluar

Chile Sipai te chuan an ram khawpui ber dawttu Conception a Lirnghing natak in a sawi chhiatna hmunah chuan dan leh thupek khauh tak a chhuah. Heng chhiatna hmunah te hian rukru leh misual tamtakin mi bungrua ruk an lo tum ve mek a, heng te hi Sipai te chuan Tear gas ten an kap hial tawh a ni. An khawpuiah hian a tul angin Curfew puan ani tawh a, President Michelle Bachelet chuan khawvel ramdang tanpuina a ngen a, vawiin thleng hian mi 708 an thi tawh niin a sawi bawk. An in leh lo a chhiat avangin mi Nuaih 10 velin In leh lo an chan tawh a, Sipai te chuan Conception khawpui chhunga rukru awm te chu nasa takin an veng mek a ni. Santiago metro leh International airport-ah pawh thlawhna service dang tirh belh a ni. Defence Minister Francisco Vidal chuan a hmalam a Tsunami warning an pek that tawk loh avangin Navy lam chuan tihsual an nei tih a puang bawk.

Riyadh Declaration an ziak

Riyadh: India Prime Minister Manmohan Singh chuan ni thum chhung chamturin nimin khan Saudi Arabia a tlawh a, hei hi ram pahnih tan thil chhinchhiah tlak tak(historic three day visit) niin ram pahnihte hian bilateral agreement 10 an ziak a, Riyadh Declaration tiin an vuah. India PM hian Saudi Arabia a Indian Embassy-ah India mi mi maktaduai 1.8 lai awm te hmaah heng ho aiawh te kawmna a nei bawk. Nimin khan Saudi Legislatire, Majlis-ash-Shura-ah thusawina a nei a, hetah hian kum 25 lo kal leh turah chuan India chuan Islam lalram te hnenah hian Investment a neih hi 9-10 %-ah a kaisang tawh ngei ang tiin a sawi. Majlis-a thusawina a neih hi ramdang palai tan chuan chawimawina sang tak ani tih a sawi a, hemi hnu hian King Saud University-ah a kal a, he University hi Ecomomist atanga Politician a a inleh hnu a Honorary doctorate degree lo hlan tawhtu kha an ni. Indian Official te chuan PM in Saudi a tlawh hi kum 1982 a Indira Gandhi in a tlawhhnuah India PM kal leh hmasaber ani tih an sawi. India PM leh Saudi King Abdullah Bin Abdul Aziz te hian Riyadh Declaration -A New Era of Strategic Partnership tih an ziahah hian Economics, defence, technology leh political a thawhdunna tur leh rawlrala che te do dunna tur thuthlung ani a, heibakah extradition treaty an ziak dun a, Lungin tangte inhlanchhawn dan an ziak tel bawk a ni.

NE aiawh tur kal ta

India ram pum huapa Chennai a intawhkhawmna tur NYK North East Musical Concert-a tel tur, North East aiawh leh Mizoram aiawh ni bawk, Lunglei thalai 30 rual te chuan nimin 1.3.10 khan Lunglei chhuahsanin Chennai an pan. Tarlan tawh angin Chennai hi based-ah hmangin Tamil Nadu State chhung a khaw hrang hrangah Concert hi an nei thin dawn a, 15 March khian Mizoram panin an rawn hawng leh ang. An kalman leh eitir zawng zawng tumsak an nih bakah DA an dawng vek bawk dawn a ni.

YMA Pre. thu khawchang

Sub. Hqtrs. YMA Lunglei President Pu Johnny Zoramthanga chuan YMA member chuan Confe. hi a ngai pawimawh tur a ni a, chutiangin thurel te pawh a hlawhtlin leh tlinloh a enfiah zui peih thin tur a ni tih sawiin tuntum inthlanna neih turah boruak a zangkhai hle dawn ni a lang chu a lawmawm hle tiin kan palai a hrilh.

Red Ribbon Road Show

MSACS leh Light for Comprehensive development(LIFCODE) tangkawp chuan National Aids Control Organisation(NACO) in Red Ribbon rRd Show nei tura a phut angin Dt 8 March 2010 dar 1:00Pm hian Venglai Traffic Point bul-ah Red Ribon road show an nei dawn. Dt 9 March dar 2:00Pm-ah Bazar veng, Tlabung pengah nei lehin Dt 11 Match dar 2:00Pm-ah Bazar Kawn Hnahthialah an nei leh ang. He Road Show-ah hian LPS Network kaltlanga Red Ribbon Youth Icon 2009 Top 3 leh Lunglei Dist Youth Icon Top 3 ten zaiin hun an hmang thin ang.

Internet thalo DGM hrilh

Tunlai hian Lungleiah BSNL Internet Broadband a chhe thin hle a, Lungleia thawktu te chuan Shillong lama chhia ni ten an sawi thin a, mahse Aizawl lamah chuan Internet hi a tha hle tho ni a hriat a ni. Hemi chungchangah hian BSNL DGM Pu Hmachhuana chu nimin khan Phone a Internet Lunglei a a chhiatdan hi kan palaiin a hrilh a. Pu Hmachhuana chuan Lunglei lam dinhmun report engmah a hriat ngai loh thu sawiin Lungleia thawktu te lo hrilh nghal a tumthu a sawi a, nimin kha chuan Internet hi a tha.Internet hmanga hnathawk Lungleiah hian kan awm nual tawh a, thawktu te inthlahdah lose abiktakin Media lama thawkte chuan an duh hle.

YMA Confe. Zanin Darzo-ah

Sub. Hqtrs. YMA Confe.vawi 33-na chu zanin 2.03.10 atang hian Liandala Run, Darzo khuaah tan ani dawn ta. He Confe-ah hian kum 2010-2012 chhung YMA Sub. Hqtrs Lunglei hruaitu tur an thlang nghal dawn. Tun dinhmunah kum 2010 Confe thlen dil hi Barch 4 Lungsen. Buarpui, Thingfal leh Minpui(Tawipui) te an awm mek. YMA Sub. Hqtrs. Lunglei huamchhungah hian Group 15 an awm a, Group 15 hiam chhungah hian Branch 166 awmin Lunglei Town Branch-ah hian Branch 21 an awm mek bawk. Anvaiin Branch 188 an awm mek a, member hi 50,000 bawr vel an awm. Kum 2009 Confe a an thu passed tawh “Mizoram Sorkar in Mizoram chhung Dist. hqtrs te tlawh kual turin Helicopter Service tir tir a ngen nise” a lo tih tawh chu Mizoram Sorkar chuan a bawhzui mek a, mipuiin kan chhawr thuai dawn a a lan avangin YMA Sub. Hqtrs. chuan lawmawm kan ti hle tiin an sawi. Confe. na a kal tur te YMA Office kawt atanga a chhuah tur a ni a, a kaltur te chu zing dar 9:00ah kim vek tur.

PMEGP Exhibi. khar dawn

Vawiin 16.2.2010 chawhnu dar 2:30 hian Dist. Level PMEGP Exhibition A&C hall a neih mek chu khar a ni dawn ta. He hun hi Pu Lalzidinga Sailo DVIO chuan a kaihruai ang a, Pu H. Thangmawia, General manager, DIC chuan thusawina a nei ang. Tarlan tawh angin he Exhibition hi mipuiin an hlut hle a, Stall neitu te pawhin an tan phah hle dawn niin a lang.

MSTA hruaitu thar thlan te

Nimin khan MSTA chuan Venglai M/S-ah Confe. neiin hengte hi an hruaitu atan MJA kaihhruaina hnuaiah an thlang. F. Saithanga, C. Rokima, ZD. Lalfela, C. Lalhmangaihzuala, C. Laltlansanga, K. Lianhmingthanga, T. Laltlanmawia leh Malsawma Sailo te niin hun remchang hmasaberah Post an siamfel leh ang.

Hall sakna tur en dawn

Pu Joseph Lalhimpuia High powered committee Vice Chairman Lunglei chuan naktuk 26.2.2010 zing dar 7:00 hian Chanmari veng a Community Hall sakna tur a en dawn a, Chanmari khawtlang hruaitu hrang hrang ten an tawiawm ang. He Hall-ah hian Badminton Court ringawt pawh 3 lai awm thei tur a ruahman a ni. Pu Joseph-a hi Zobawk Congress hruaitu ten chawhlui an buatsaih sak thung ang a, hemi hnu hian Aizawl a pan phei tawh ang.

Nest Box hapta niminah an hmang...

Nimin khan Durtlang Environmental Protection Committee (DEPC) buatsaih ‘Nest Box Week & Environmental Awareness Campaign’ hawnna inkhawm Durtlang Community Hall-ah neih a ni a, E&F Minister Pu H.Rohluna chu Khuallian a ni.


Pu H.Rohluna chuan Mizote hi environment lamah harhchhuak nasa tawh hle mahse zirtur tam tak kan la neih thu a sawi. Environment humhalh chu khawvel pumin a buaipui em em a nih avangin kumin hi UNO chuan ‘International Bio-diversity Year’ ah a puang hial a ni, a ti. Mizoram puma hring khuh (green cover) chu 91.27% ni mahse, thing puitling (dense forest) tak tak erawh chu 0.64% chauh a ni tih sawilangin thing leh mau leh nungchate pawimawhna kan hre theuh a, nakin huna kan tu leh fate luah tur he ram hi duat taka enkawl hi kan tih makmawh a ni, a ti bawk. Environment humhalh zawnga ke pen apiang mimal leh pawl te chu E&F Department-in a theih ang apiangah a thlawp zel tur thu a sawi. E&F Department-a Conservator of Forests Pu Liankima Lailung pawhin khawvel-a ram/hmun bio-diversity nei tha ber 12 te zingah Mizoram pawh a tel thu a tarlang a. Vanduai kan intih rual rualin Mizote kan vanneihna chu kan ram leilung, thing leh mau leh nungchate khawvel hmun danga awm ngai lo ang chi (species) hrang hrang kan neih tlat hi a ni, a ti. Tun hnai maia nauban chi thar khawvela la hriat ngaih loh leh sava vang em em Burmese Peacock te pawh Mizoram-ah hmuhchhuah a nih thu te tarlang bawk. Dr. C. Lalhmingliana pawhin environment humhalh kawngah kan tih theih inthlau hle mahse mahni tih theih chinah thahnemngaihna neiin hmalam panin chak lehzualin ke pen a tul a ni, a ti a. Leilung chhe mek siamthatna kawngah tanrual a pawimawh tak zet tawh a ni a ti.

“Hna zahawm ber Kuthnathawh a ni” CM Hawla

Nimin Dt 25.2.2010 khan CM Pu Lal Thanhawla’n District Level Agriculture & Allied Sector Exhibition Serchhp Field No 2 ah a hawng.


CM chuan Agriculture leh a kaihhnawih department hi ram thang zelah a pawimawh tawlh tawlh dawn a. Chuvangin kut hnathawh hi hna zahawm ber a ni tih kan hre thar zel dawn a ni a ti. Exhibition neih hi thil siam chhuah leh tharchhuah te mipui hmuh atana pholan ringawt a ni lova, heng thil pholan atangte hian engtin nge tangkaina kan hmuh theih ang tih lam hawi zawnga buatsaih a nih thin thu a sawi. Organic Framing te, changpat hmanga leitha siam te sorkar chuan uar chhoh deuh deuh a tum dawn tih a sawilang. CM chuan tangkai tak leh India leh khawvel hmun dang pawha hralhchhuah theih khawp mau sawngbawl dan min zirtir turin leh ram thlithlai turin Taiwan atanga mi thiamte an lo kal tur thu a sawilang bawk.NLUP chungchangah a dawngtur ten ar leh vawk vulh thlang an tam thu sawilangin uluk taka sorkar-in kalpui a tum avangin tuna pawisa ruahman sa pawh hi la khawih chet loh an rel thu a sawi a. Ar emaw vawk emaw vulh thlangtuten an tuchhuan thlenga eizawnnan an hman theih nan 20/30 chauh vulh lovin farm lian tak din a tul zawk tur thu a sawilang bawk.

editorial:Museum Week mipuiin kan hlut thiam zel e...

Art & Culture Department in Museum kaltlang a Museum Week a hman mek hi Lunglei mipui te hian kan hlut hle niin a lang a, nimin thleng khan mi sang chuang fe in an en ta a ni. Hetianga Museum hlutna chang kan hria hi a lawmawm hle a, hei hian kan pi leh pu te sulhnu pawimawh tak tak mit ngei a kan hmuh hian thangthar te rilruah nasa takin thu a s awi thei tih kan hriat a tha ang.


Hetihrual hian Museum a thil awm te hi a la beitham hle tih erawh a lang a, theihphei chu nise, Museum en tu te thil lo hrilhfiahtu fel tak awm sela, hei hian Museum entu te tan tangkaina nasa taka siam ngei ang. Hrilhfiahtu a hranpa an awm thei lo anih pawh in lehkha ziaksa chhiar tur emaw tal awm thei sela, hei hian Museum hlutna a ti zual ngeiin a rinawm. Hetihual hian Museum-ah hian mit tlaina tham tak tak a awm leh zual theih nan thil hlu tha tak tak nei te khan Rul a raw neih mai lovin Museum-ah hian dahna chang hre zel ila a tha hle awm e. Tunah pawh hian Liandala thawmhnaw hlui, Lalsangzuali Sailo thawmhnaw hlui etc te an chhung ten an dah hi Museum ti hlu tu a ni ngei ang.

NYK Rehearsal

NYK Lunglei chuan naktuk Inrinni zing dar 10:30 hian North East Musical Concert Programme Tamil Nadu a kal tur te tan Final rehearsal WADA Confe. Hall-ah an nei dawn.

KTP Confe. tur an hre lo em ni ???

Sub.Hqtrs. YMA Confe. Darzo khua a March ni 2-4 chhung a neih tur ah inbautsaihna chuan a vawrtawpa thleng thawhkhat ta.Confe. hun tuar a a hma a hun an lo ruat tawh, Baptist Assembly nen a in nanchin avanga a hun March 2-4 a sawn a nih lai hian Central KTP Gen. Confe. erawh ngaihtuah thlen niin a lang lova, heivang hian KTP member YMA Confe.a kal duh ve si te chu Sub. Hqtrs. YMA Confe-ah hian an kal ve thei dawn lova, tunhnuah chuan ngaihtuah zau a tha hle niin thu kan dawng.

Slab tha tak siam

High Powered Comtt (HPC) Lunglei in Deptt. engemawzat a sum a sem hmangin UD&PA deptt. Lunglei chuan Super Market(Sobji bazar) tual a tukawr mumal lo tak, hun rei tawh tak awm chu RCC hmangin thataka siam tha in Slab an khuh fel tawh. Slab hi 8 Inches a chhah in an siam. Hei bakah hian bazar-ah hian Zunin/inthiarna tha tak an siam a, Pu Lalzidinga, Town & Country Planner Officer(UD&PA) chuan “Kan sum sen ngaihtuahin kan thawk tha a, kan lawm khawp mai” tiin kan palai a hrilh. Zunin an siam hi DC in Bazar a Inthiarna mumal lo awm a vei em em bawhzuina a sak ani ati bawk.

“Lunglei Dist-ah Malaria PF 2096 an awm a, Mi 17 in an thih phah”CMO

Lunglei 26.02.10:Dr.F.Lallianhlira chuan Malaria dona hmalakna kalmekah Kum 2008 chhung khan Lunglei Dist-ah Thisen lak zawng zawng mi 32333 an ni a chung zingah chuan mi 2521 Positive in Malaria PF Case mi 2096 an awma Malaria vanga thi mi 17 an awm tih a sawi.Dr. F. Lallianhlira chuan he thu hi nimin a Lunglei District Vector Born DiseaseControl Programme hnuaia Malaria Review & Pre-Spray meeting, I&PR confe. Hall a neihah sawiin he hun hi a kaihruai a, Pu.Lalduhawma Addl.DC chu khuallian a ni. .Kum 2009 ah Thisen lak zawng zawng mi 63682 awmin 5854 te an Positive a PF Case mi 5145 an ni a Malaria vanga thi mi22 an awm niin CMO hian a sawi. Thosilen damdawi chiah hi Kum 2008 ah 27100 dawn a niin Kum 2009 ah 14848 dawn a ni a, hengte hi sem zawhvek an ni bawk. Mizoram ah hian Ruahtui, Ramngaw leh sik leh sa ten a zir em avang hian Malaria pai thosi in a ngeih em em a, chuvang chuan Malaria hi tihbo huphurhawm tak a ni a ti a, a dotu ten nasa taka tan kan lak loh chuan a kum telin Malaria hi a pung anga tih rem theihloh khawpin a awm thei a ni, chuvang chuan Kum 2010 chhung hian nasa tak leh thahnemngai taka thawktu ten tan kan lak a ngai ani tih a tarlang bawk


Khuallian Pu T. Lalduhawma chuan , hmanlai atang tawhin Malaria hi buaipui a ni tawh a,a venna atan DDT te pawh kah thin a ni a, heng hi tunlai thleng hian ala rintlak em em a, Chhimlam hi Malaria hian min bawh bik deuh avang hian thawktu ten thahnemngai leh zuala tan inlak a ngai a, Lunglei District hi Malaria awmlohna a siam turin thawktute in pawimawh a ni. Damdawi chiah Thosilen sem hi atha em em a,mahse a ni lo zawnga hmang thin an awm avang hian sem dawnah khawtlang hruaitute kaltlanga Awarness neihpui theih ni sela a duhawm hle ang tiin a sawi. He meeting-ah hian Medical Offcer, Community Health Officer, Health Worker leh Health Superviser te an tel kim tha hle a ni.Malaria dona kawnga tulte in zirtirna leh sawihona te neih a ni.

Missionary Interview thei lo

BCM ramchhung Mission hnuaia Missionary 6 lak tur mi 18 ten Written test an neih hnuah Personal Interview nimin Dt 25.2.2010-a an neih leh tur chu Board member te an zin bo tam avangin an thulh leh thut niin kan thudawnna chuan a sawi.

Police Lal ber awm thei lo

DIG Southern Range Lunglei chu Pu David Lalrinsanga IPS a chhuah hnuah amah thlaktu tur DIG ber vawiin thlenga an la neih loh avangin he Office a thawk te chuan tihtur mumal vak an nei lova, Sum hman tur mumal an neih loh avangin Lunglei tualchhung chanchinbu zawng zawng leh Aizawl lam News Paper pawh an la thei tawh lo tih an sawi. An Office Staff te hlawh vel siam fel mai loh chu thawh tur an nei lo niin an sawi bawk. Southern Range a tir a hawn anih kha chuan Lunglei bakah Saiha leh Lawngtlai Dist chhung a Police te hlawh zawng zawng pawh khawih tur a tih an lo ni tawh.

Zirtirtu hna zahawm a ti

Nimin khan Pu VT. Zuala MA(Pol Sc) Govt. J. Buana College Principal chuan naktuk maia a pension dawn avangin a Office-ah Lunglei Media te a kawm. Pu VT. Zuala hi kum 1983 22 July-a JB. College din anih khan a sulsutu zingah a tel a. Kum 1968 a Lunglei Govt College -a I BA hawn anih khan Mizo qualified lecturer hmasaber a ni bawk. Kum 1993 March khan J. Buana College Principal-ah dah ani a, Govt Serchhip College-ah tranfer a han awm zawkin Kum 2005 khan J. Buana College Principal-ah bawk awm lehin UGC Recognition 12’B leh 2F te, NAAC Accreditation hial te an hmu a ni. Pu VT. Zuala hi kum 42 chhung zet College-ah hian thawkin IAS, IPS, MCS, Lecturer, Headmaster, Doctor, Pastor, MLA/Minister, CEM, Lawyer, Bussinessman Contractor te a zirtir chhuak tawh a, Lunglei a Journalist/Editor tam zawk hi a zirtir chhuah te an ni bawk. Pu VT. Zuala hian Zirtirtu hna a thawhchu inchhirna engmah a neih loh thu leh a hna a thianghlim a, mi te hnenah an thiamna laksak ve theih tawh loh kan pe a, kan in chhuang zawk hle a ti.

Hriatna buhzem Dist. Library mi taima ten an chhawr mek zel

Lunglei Dist. chhunga lehkhabu awm tamna ber Dist. Museum Saikuti hall chungber a awm mekah hian lehkhabu chi hrang hrang 22082 tunah hian an nei mek a, Doctorate Degree lak nan a hmang te pawh an awm tawh niin Counter Attendant Pi K. Lalsangzuali chuan kan palai zawhna chhangin a sawi.
           Library-ah hian lehkhabu hrang hrang College zirlai bakah  Thesis ziah nana  tha tak tak te a awm a, heng bakah hian Megazine Periodical hrang hrang te chhiar tur a awm a, Lunglei tualchhung chanchinbu zawng zawng an la (Subscribe) kim vek bawk. Library a lehkhabu hawh tur hian member nih a ngai a,  member ni tur hian Form siamsa Rs 10 a leiin Rs 100 security-ah dah a ngai a, passport size thlalak 2 thil tel a ngai bawk. Library dang ang bawkin ni 7 chhung a hawh theih a, hemi hnuah hian lehkhabu hawh duh chuan a renew zel theih a ni.  Tuin dinhmunah member hi Puitling 104 awmin naupang nen avaiin mi 597 an awm mek a ni.
    Tunah hian Pi . K. Lalsangzuali chuan he Library tlawhtu tam ber chu School naupang an ni tih a sawi a, anni bakah hian College zirlai lehkhabu a chikima  awm bawk avangin College student te hian an Exam dawnah chuan lehkhabu an hawh nasa thei hle niin a sawi bawk. Anni bakah hian tu tenge Library hi hmangtangkai leh ber ang ti a zawhna chu Entrance Exam tur te, MCS etc Exam tum te hian an tlawh thin tih a sawi a, hengbakah hian PhD. Doctorate Degree lak nan te pawh he Library hi hmang an awm ve nual tawh tih sawiin tunah pawh hian Doctorate Degree lak tum te chuan an hmang mek niin a sawi bawk.
    He Library atang hian Govt. J. Buana College Lecturer Dr. Sinha(Pol Sc), Dr. J. Zorema(History), Dr. Lalzuiliana (Eco) te pawh a chhawr nasa pawl an nih thu leh he Library product hi an ni kan ti ve ngam tiin a sawi. Dist Library Lungleiah hian Pu H. Rotluanga chu Librarian niin Counter Attendant bakah hian IV Grade 2 awmin Staff 4 in an enkawl mek  a ni. A hmun a laili a, mahse a reh tho bawk si a, Lunglei thalai te hian Finna chawkluh nan hman tangkai tum deuh deuh sela ZUNZAM Daily chuan kan duhsak hle.

Andy Murray a rawn chak chho nghal

Andy Murray chu Australian Open final-a a chak loh hnuah Dubai Open lamah chuan a che tha tan hle a, Russian tlangval Igor Kunitsyn chu awlsam tak 6-2,6-3 in a rawn hneh a, second round a lut nghal der mai. World No 4 hian break point vawi 9 lai a la bawk. A khingpui Russian pa hi World No 111 a ni mek thung. Hnehna a chan chungchangah British No I Murray chuan “ Match kan tan chiah khan ka ke artui hi a rawn na zawk a, heibakah tan atanga reiloteah khan thawk harsa ka ti a, kha kha a chhan chu a hmalam a practise ka neih that loh vang a ni” tiin a sawi. Hetihlai hian second seed Novak Djokovic, Roger Federer a inhnuhdawh avanga highest seed chuan a khingpui Garcia Lopez chu 6-4,6-4 in awlsam takin a lo hneh tawh bawk. Australian Open a a chakloh atang khan Murray hian Premiere League football inkhel lam en a uar hle a, Federer lak a a chakloh rilru tihdam nan Football en lamah a ramtang ta zawk a, heivang hian a fitness-ah pawh a chhiat phah deuh niin amah hian a sawi nghe nghe a ni.

Kut tih kak vangin Mourinho an hrem

Inter Milan boss Jose Mourinho chu Sampdoria nen an in khelh tum a, Walter Samuel-a Red Card hmanga hnawhchhuah anih avang leh Samuel Eto’o referee in Card a pek tum a, a kut pahnih handcuff a hling ang taka a pho chhuah avang leh match official te a sawisel avangin thuneitu te chuan match 3 chhung zawng Touchline a awm lo tur leh 0,000 euros chawi turin an hrem dawn ta. Handcuff-a kut phuar anga a inlan tir hi a team te hi Serie A-ah referee te thuneihna an tuar(victimised) bik hle ni a lantirna a ni tiin an ngaihsak a ni. Heibakah 0-0 an nih lai khan Mourinho hian Officials te chu deu deuh tawngkam takin a lo elsen tawh a ni. Samuel leh Cardoba te hi first half-ah khan chawlh tir an lo ni tawh a, Eto’o chawlhtir anih na chhan hi chu dive a puh anih vang a ni. Khami tum a Eto’o an Yellow card a hmuh khan Mourinho chu nasa tak a nui in a kut kha Handcuff a phuar ang takin Photographer leh TV camera hmaah a ti kak a ni. Mourinhi hi tun season tan tirh khan Game khat atan hrem ani tawh bawk.

Ronaldo a’n Football chawlhsan a tum hnai

World Cup vawi hnih lai champion zing a tel Ronaldo chuan kumin kumtawp atang hian professional Football atanga chawlh a tum ve ta tih a sawi.


Brazil tan vawi 62 a scored...

He Brazialian footballer hi khawvel a Footballer thaber te zing a chhiar tel reng ani a, a hun tam ber hi Europe-ah a hmang a, amaherawhchu a hun tawp hi chu ama khua Homeland Corinthians-ah ngei hman zawh a tum a ni. “ Tunah hian ka rilru ka siam vek tawh a, ka hun tawp chu keima khuaah ngei ka hmang ang”: tiin Striker hian a sawi a ni. Kum 33 a upa, Ronaldo hian Brazil tan a vawi 92 a khelh tawhah vawi 62 a ti goal a, tun tum World Cup Summer a lo awm turah Brazil squad a tel leh a in beisei hle bawk a ni.

W/C-ah pawh vawi 15...

World Cup final-ah na na pawh mi ropui a ni chiang a, goal 15 zet a thun tawh a, South Africa a Tournament neih leh hun tuah pawh score na tur chance a la awm zel tih sawiin kum 2014 a Brazil in World Cup an thlen ve hunah chuan a hmel kan hmu dawn ta lo a ang khawp mai.

W/C-ah 98 &02-ah...

Ronalldo hian Corinthians a contract a neih lai hi thawhtanni khan a extend-a “ Ka theihpatawp ka chhuah dawn a, funs tha tak tak ka neih beilh zel ka beisei a, titles tha tam tak pawh kan la lak belh zel ang chu” tiin a sawi. Ronaldo hi Brazil in World Cup 1994 leh 2002 a an lak tum khan a tel ve ve a, kum 17 dawn chu Football-ah hian eizawngin a hun a hmang ta ani ber a, heibakah kum 1998 World Cup-a France lak a an chakloh tum pawh khan Brazil tan hian a khel tho a ni.

Corinth atang ngat in...

Khami tum khan a tir takah Ronaldo kha squad list-ah a lang lova, mi tamtak in mak an ti a, nasa taka pressure a awm avangin squad list-ah khan an telh leh ta a ni. He Striker hian a cereer hi a Home country Cruizeiro-ah a tan a ni.

Award...

Kum 1997 leh 2002 khan Fifa Player of the Year leh Ballon D’or Award a lo dawng tawh a, kum 1996 khan former prize pawh a lo dawng tawh a ni. Teeneager anih lai khan PSV Eindhoven-ah lut in 45 matches-ah vawi 42 lai a scored. Kum 1996 khan Sir Bobby Robson chuan Barcelona-ah a la lut a, he Club tan hian league game 37 a khelh naah vawi 34 lai a scored zui leh a ni. Mahse Nou Camp-ah hian season khat chiah a awm a, Inter Milan-ah pound 18 mtd. in a lut leh a, Italian Club hi Uefa Cup a lakpui leh bawk a ni. Amaherawhchu Inter a awm lai hian a khup a ti na a, hei vang hian hliam neiin a awm reng phah a ni. Ronaldo-a agent Fabiano Farah chuan “ Ronaldo hi Corinthians aiawh a ni ang a, a hming hrim hrim pawh hian huhang a nei dawn a, Club hian a chak phah hle dawn ani” tiin chhuang tak chungin a sawi.

Agarbati siamna khawl

A&C Hall-a PMEGP Exhibition Dt 23.02.2010 a neihah “Mipui Bamboo Industry” ti a invuah Lunglei AOC ami te chuan Counter-ah Agarbati siamna khawl, an mahni siamchawp chu pakhat Rs 200 zelin an zuar a, hei hi bawrtu an tam hle. An Manager hi Lalhruaizela niin nimina he dawr nghaktu chuan Agarbati stick hi 1 Kg Rs 12 in an mahni Inah an lei thei a,hmun hran ami chu 1 Kg Rs 10 zel a an lei duh reng thu a sawi a, heng te hi Aizawlah an pe chhawng leh thin tih sawiin Direct-a hralh dan an buaipui mek tih a sawi. Agarbati an siamna khawl hi khaw hrang hrang 100 velah an hralh chhuak tawh a, vawi 1-ah Agarbati kuang 5 zel an her chhuak thei a ni.

Lo hal naah mi 3 an kang

Lunglei leh Haulawng inkar Zotuitlang khuaa pa thumte chu ram kang tur venna lamah mei lakah che sualin Lunglei Civil Hospital-ah Dt 23.02.2010 Thawhleh zan khan dah an ni. Tun thawhtanni chawhnu Dar 1 30 vel khan C.Rothangpuia 30,Vanmalsawma 15 leh Lalhmingthanga 30 te chu an khaw bul Haulawng lam rama an lo hal pah leh serhuan kang tur venga an awm chu an lo hal lai hian thli a thawt em vangin lo hal chuan mumal a nei ta lova an tal buai chuan kangvar hlim lama an tlan chhia chu an pheikhawk bun rubber a nih avangin an kan phah ta a ni. A naupang ber Vanmalsawma phei chu a kut leh ke a kang nasa hle a, a nunna atan hlauhthawn awm erawh chu a ni lem lo niin doctor ten an sawi a, mi dang pahnih te chu an zia deuh niin a hmuh theih, an pathum baka an thian pakhat chu tui tichipchep hmunah thih leh thih tia a bawk chu engmah ti lovin a him tih an sawi. Vanduaina tuar te hi Pu PC Lalthanliana LAD Minister in Rs 1000 theuh a pe a ,Lunglei DC in Rs 500 theuh pe in Pu Kawlhnuna DFO Lunglei pawhin Rs 500 theuh a pe bawk.(Lawmtea DDK)

PMEGP Exhibition Lungleiah hawn a ni

Lunglei 24.02.10:Nimin khan A&C hall Lungleiah PMEGP Exhibition KVI buatsaih a neihah khuallian Pu Joseph Lalhimpuia HPC Vice Chairman chuan PMEGP atanga Loan hmuh hi pawisa dawnna satliah mai a ni lova, eizawnna nghet dinna tur ani tih a dawngtu ten an hriat a ngai a ni a ti. PMEGP Exhibition hawn naah hian Pu Josepha chuan Ministry of Micro, Small and Medium Enterprise chuan kum 2008-09 atanga 2011-12 chhung in India ram khawpui leh thingtlang ah mi Nuai 37 vel Employment siamna turin programme a nei a, Rs Vbc 4485 Subsidy pek theihna tur Scheme chu he PMEGP hi a ni a ti. Mizoram KVI Board pawh in tunah hian mi 1297 hna siam thei turin Project 130 a peih tawh a, mi 680 dilna atangin Dist. Task Force Comtt in 580 a pawm tawh a, Bank pawhin tun dinhmunah mi 105 a sanction tawh a, an zinga 60 te tan Margin Money tih fel tawh a ni a ti. Lunglei Dist-ah pawh KVI hnuaiah kum 2009-2010 atan target 170 zet Employment generate thei turin project 17 ruahman tawh ani tih a sawi a, heng zinga project 13 chu Bank in a sanctioned tawh a, Rs Nuai 15.61 Margin Money released tawh ani a, tunah hian Project engemawzat Bank in sanctioned tur a nei mek tih a sawi.


DIC Lunglei hnuaiah pawh bank in Project 13 a sanctioned tawh tih a sawi a, heng Industry Unit tan an siam chhuah te an hralh na tur hian KVIC chuan Exhibition chi hrang hrang National, Zonal, State leh Dist levela-h a buatsaih thin a ni a ti. Pu Joseph-a hian Central in Scheme leh project a siam te hi pawisa hmuhna satliah mai atan a hmang lo tur leh eizawnna ngelnghet tak tak din na atana hmang turin a dawng tawh te leh dawn tum mek te a chah nghal. Hetihrual hian Mau hmanga Agarbarti siamna tur pawh HPC pawhin Project siamin nasa tak a hmalak a tum tih a sawi a, Pathainin ram min pek hi midang te tan malsawmna nih nan kan hmang tangkai tur a ni a ti.

He hun kaihruaitu Pu Lalzidinga Sailo, DVIO, MKIV pawhin Project lian tak siam ai chuan a te deuh siam ho hi an hlawhtling fo zawk ni a a hriat thu sawiin tunhma a Loan lo la tawh tu ten an Loan lak an rulh that duh loh avangin thang thar Loan dil tu ten an tuar ve zel thin chu pawi a tih thu a sawi a, Sorkar ruahmanna te ti hlawhtling turin mipui kan pawimawh hle ani tiin a sawi bawk. He Exhibition-ah hian Stall 17 vel hawn a ni a, Mizo kutchhuak thil chi hrang hrang leitur a awm a, Zirtawpni-ah khar a ni ang.

Lunglei Hockey Team

Branch Mizoram Hockey championship Vawiin atanga 5March chhung a Aizawla neih turah Lunglei Hockey Players(Men) te chu nimin zing khan heng a hnuai ami te hi Aizawlah an kal.

Roger Federer Dubai-ah tel ve dawn lo

World No I Roger Federer chu a Lung lam a that zan loh avangin Dubai Championship atangin a in hnukdawk ta. Swiss tlangval, Dubai a vawi 4 lai champion lo ni tawh hi hapta hnih lai chu a chawlh a ngai dawn a, ruahman ang chu nise thla hamsa lawka Australian Open a a lan hnuah tuntum hi khawvel mithmuh a a rawn lan leh na hmasaber tur ani a, amaherawhchu chawlh a ngai ta si a , March thla a Indian Wells-ah erawh a hmel kan hmu tawh ang chu. Hetihlai hian British No I Andy Murray leh World No 2 Novak Djokovic te chu Dubai-ah hian tel tur chiangsa an ni.

Caf in Togo a hrem naah a ding nghet

The Confederartion of African football(Caf) chuan African Cup of Nation match 2 atana Togo hrem(Ban) chu thil tih awm tak ani tiin mi tamtakin an saiwselna chu a chhanglet ta. Togo hi Match 2 atan a hrem an nih piah lamah USD 50,000 chawi turin an ti a, hei hi a chhan chu tarlan tawh angin Angola event atanga an in hnuhdawh vang kha a ni.

Museum a thlawnin en theih

Tarlan tawh angin nimin atang khan Zirtawpni thleng awh tur Museum Week chu hman tan a ni ta. A&C Deptt. hotu te chuan Dist. Museum Lunglei chu Week chhung hian a duh apiang tan man chawi lova en turin mipui an sawm. Nimin khan mi engemawzat in an en.

Telengana State nawr zui zel

New Delhi: Pro-Telengana Protestors te chuan nimin khan Parliament lam panin kawngzawhna an nei. He hunah hian Danhre mi 100 vel bakah zirlai leh midang engemawzat an tel a, Delhi khawpui laili Jantar Mantar-ah innghak khwmin Parliament Gate No 5 lam hi an pan a, Police te nen pawh an in nawr buai a ni. Kawngzawh tu te hian Centre sorlar chu Telengana state thar siam thuai tur a phut in ‘Lathi, goli khayenge, Telengana le jaaenge, Jai Telengana’ ti ten an au rual a ni. Telengana state thar siamna tur Bill chu Parliament-ah pharh an phut a ni. Police ten mi 30 velmanin Police tam zawk tih belh an ni.

Patil in Terrorist a hlau lo

New Delhi: India chuan Rawlrala che te chungah zahngaihna engmah a lan tir dawn lova, heng ho hian an ngam ang chen chen India chuan a ngam zel dawn ani tiin India President rorum tak Pi Pratibha Patil chuan nimin a Parliament House pahnih Budget Session-ah a sawi. Zahngaihna tello’Zero tolerance’ hi India Principle ani tih sawiin khawvel hmun dang a rawlrala chetna pawh hi India chuan a enkar reng ani tiin a sawi bawk.

Thinking Day an hmang

Nimin khan Scout & Guide Lunglei chuan A&C Hall-ah Thinking Day an hmang. He hun hi Pu ST Zaduna Dist. Chief Commissioner chuan kaihruaiin Pu J. Ropianga Chinzah, Lunglei Dist Bharat Scout & Guide chuan report a pe. Pu Ropianga hian Lord Baden Powel chanchin a sawi a, Rastrapati Certificate mi 8 hnenah hlan nghal a ni. Southern Flower School SC&G leh BHSS S&G ten Special Item hmuhnawm tak an entir bawk.

DIET Result a chhuak ta

DIET Lunglei a In -Service leh Pre Service PSTE result nimina tihchhuahah In service-ah mi 10 an passed a, Ist Div-ah mi 8 an awm a, II Div-ah mi 2, Compartmet- 1, absent-1, Hetihlai hian PSTE I Yr-ah mi 41 in an passed a, mi 8 an failed thung. Absent mi 7 an awm bawk. Repeater mi 5 awmah passed an awm lo

KTP in thisen Unit 23 an pe

Nimin khan KTP day vawi 56 na denchhenin KTP Hrangchalkawn Branch chuan Civil Hospital Lungleiah a mamawh te hman a tan thisen Unit 23 an pe a, an zingah hian Mipa 15 bakah hmeichhia 13 an tel. Thisen peknaah hian AVBD hotu ten an tawiawm a ni.

Mizo tlangval chhuanawm

Tv. C. Lalthansanga S/o Lawmkima, Theiriat chu USA-a Onside Learning Prog-ah Training turin India hmarchhak atangin Candidate 6000 zingah mi 1200 tling zingah North East atangin amah chiah a in ziak tling a, heta tang hian a ti tha mi 9 thlang lehin C. Lalthansanga hi a ti tha ber a ni zui a, Hmarchhak bial atanga tling hmasaber a ni bawk. Tunah hian American Home Morcace Servicing Inc.(AHNSI) Company Pune-ah thawk mekin thlakhatah Rs 80,000/- vel a hlawh a, a hnuaiah hian mi 600 vel an thawk mek.Thiamna lamah MA(Eng) a ni a, a hnathar zawm tur hian America-a Home Morcace Servicing Inc-ah Training hi a nei thuai dawn a, hemi atan hian Visa a buaipui mek a ni.

P&E MR te hlawh pung pe vat se an duh

Lunglei:MNYF Sub. htrs. Lunglei chuan thuchhuah siam in Minimum Wages Board in a lo recomended ang leh Mizoram Sorkar thuchhuak angin Muster Roll a thawk te hi April 2009 atang a hlawh pung leh Arrear la tur a tih an ni a. Deptt. hrang hranga thawk te chuan Sorkar thuchhuak angin April 2009 atang khan hlawh pungin an la tawh a, Chutih laiin P&E Deptt. hnuaia Muster Roll-a thawk te hian tun thlengin hlawh pung hi an la la ve thei lova. An hlawh tur Deptt. in pawisa engmah a neih loh avanga lungawi loh lan tir nan tiamchin awm lova nawrh an tum hian mipui min barakhaih mai thei. Amaherawhchu P&E deptt. hi a enkawltu CM inthlahdah vang niin a lang a, mahni chanvo haichhuak tur a nawrh buatsaih hial a lo ngai ta hi an lainatawm zawk hle. CM zahawm tak hian a pawmpui tawh leh a lo tiam tawh ang ngeiin a Deptt enkawl hnuaia Muster Roll te hlawh hi mipui ten harsatna kan tawh hma ngei a a bo abang awm lova a pung nen pe sela. Deptt. a enkawl zawh tawk hrethiam turin MNYF Sub. Hqtrs. Lunglei chuan kan ngen ani an ti.

Lunglei Dist-ah Zirtirtu Aikal 1 chiah awm mek niin report a ni

Lunglei 23.02.10:ST. Zaduna DEO Lunglei chuan nimin khan Media te a Office-ah kawmin Rastrya Madhiamik Shiksa Abhiyan(RMSA) kalpui ani tawh dawn a, Lunglei Dist-ah School 4, Rs Nuai 50 man theuh sak a ni ang a, Lungsenah Girls Hostel Rs Nuai 400 man sak ani bawk dawn tiin a sawi. Lunglei DEO hian an hnathawhna kawng tinrengah Press mite chu thawhho puiah sawmin Media tello chuan hna a thawh tak tak theih thin lo ani tih a sawi hmasa a, RMSA chu an hmang tan dawn tih sawiin he Scheme hnuaiah hian Lunglei Dist-ah School Bldg. 4 sak ani ang a, Aizawlah 5, Champhaiah 3 leh Dist dangah pawh Bldg. hi sak ani dawn a. Girls Hostel Lungsen a sak tur phei chu Mizoramah Lungsen chiah hi thlan ani a, heta pawisa tur hi Aizawlah tunah hian a awm mek tiin a sawi. Lungsen a Girls Hostel sak tur hi Residential ani dawn a, Zirlaite tan Zirtirtu, ei leh in te a thlawn vek a pek tur a ruahman ani a ti.Lungsen kher thlan anihna chhan chu India level a zirna lama an hniam vang niin a sawi bawk.
DEO hian RMSA thil tum chu kum 2010 hma a napang zawng zawng Cl-XII passed tir vek anih thu leh heta tan hian Zirtirtu pawh Master Degree chin, thlakhat a Rs 15,000/- vel hlawh tur lak an ngai dawn a, kuminah erawh chuan school Bldg. te sak a ngaih dawn avangin Zirtirtu hi lak hman a rinloh thu a sawi. Hetihlai hian School Bldg 4 sakna tur hi Thingtlang khua, H/S Bldg. awm lohna chu Central Norms anih thu a sawi bawk. Lunglei Dist-ah hian Govt H/S 34 awm mekin tunah hian School 21 sak thatna tur dil mek anih thu a sawi a, School sak hunah DEO kaihhruaina vek a kalpui anih tur thu sawiin NGO te member-ah an awm bawk dawn niin a sawi.
Media te zawhna chhangin tun dinhmunah Lunglei Dist a Sorkar School-ah Aikal la 1 chiah record an neih thu sawiin Zirtirtu 1 in naupang 10 vel zel ang enkawl an nih thu a sawi bawk. Lunglei Dist-ah hian Govt H/S-ah zirlai 2864 awmin Zirtirtu 293 an awm mek bawk. DEO ST Zaduna hian Zirtirtu te chu an hlawh phu tawk a hnathawh tum tur leh an hlawhbak pawisa leh therhlo dang um lo tur a chahin mahni duty tha tak a ti theuh turin a duh tih thuthar lakhawmtu te kaltlang hian a sawi nghal bawk.

Khawvela hmeltha tamna ber USA, India 8-na

Hmeltha tamna ram sawm thlan chhuah zingah India ram chu pariatna a ni. Khawvel ram hrang hranga chengte ngaihdan, OnePoll.com-in a lak khawmnaah, America chu hmeltha tamna ber ram a ni a, Hollywood-a cheng, lemchang thiam, George Clooney leh Angelina Jolie-te chu hmeltha titu an tam ber a ni.

George Fernandes Dinhmun A Tha Lo

Union Minister leh ambassador hlui, journalist Ajay Singh leh mi pawimawh leh kawng hrang hranga India rama mi langsar ni pha mi 19 chuan internet hmangin Pu George Fernandes, MP (RS) ni mek, kum 40 kal ta chhunga India ram politics hruaitu thil ti thei bertete zinga mi tan ngenna leh thuchhuah an siam a.(Mizo Aw pawh thawn vein chhuah tura ngen a ni a). Kawng hrang hranga mipui chi hrang hrang tana a lo thawh tawhnate sawiin kum rei tak a thian lo ni tawhte hian tun chawlhkar rei lo te chhunga a chunga thil thleng chuan anmahni a tihhrehawm (distressed) thu an sawi. A damlo a chak lo em em a,amah a inveng thei tawh lo a, vantlang hnenah pawh thu a sawi thei tawh lo an ti.

Ruihhlo leh Mizo thalaite

Anti Narcotic Squad, Mizoram Excise & Narcotics hnuaia mite chuan nimin piah khan Tuikual South-ah ruihhlo chi hnih Spasmo Proxyvon Capsule 547 leh Spas Capsule 85 an man a, a neitu nia puhte pawh man telin thubuai an siamsak a ni.

Mizoramah hian damdawi ruihhlo kan buaipuina hi thang khat lian zet chu a ni ve tawh a. A bik takin Spasmo Proxyvon ruihhlo atana hman hi a la rei lutuk loh aiin kan chhiatpui nasa a, thalai tamtakin an tihpui tawh a, ramtuileiloin mi eng emaw zah an awm phah tawh bawk a. Eng emaw hun lai phei kha chuan eng emaw ruih kha intihhmuh ang zawngin a kal emaw tih mai tur a ni a, sorkar leh khawtlang tan pawh buaipui tham takmeuh a tling a, CYMA pawhin ‘Ruihhlo do kum’ hial puangin thawm a lian hle a nih kha.

City 4-na ni ta

Nimin zing EPL match khat awmah Stoke leh an mikhual Manchester City chu 1-1 in an in-draw a, Man City hian point khat an hlawh- avangin Liverpool awmna 4-naah awmin, Liverpool hi 5-naah an tlathla ve ta thung.
Hemite inkhelah hian goal a lut lawk lova, minute 72-ah Stoke hian Whelan goal thun hmangin hma an hruai a, minute 85-ah City point khat hmuhna turin Barry chuan intluktlanna goal a rawn thun veleh a ni.
Stoke boss Tony Pulls chuan, "Goal thun theihna chance kan ngah viau nain, ho ang reng tak takin kan \helh a, kha khan result a tidanglam a, point 3 hmu thei ka nia sin mawle," a ti.
City boss Mancini chuan, "First half-ah khan boruaka ball a chen reng avangin duh angin kan che thei lo a ni," a ti.

S. Dingan a hmanpui

Vawiin khan I&PR Conference Hall ah Health Multipurpose Service Association Sub-Hqrs Lunglei chuan Conference vawi khatna hmangin Pu S.Laldingliana.Parliamemtary Secy i/c. Health.Govt of Mizoram chuan khuallian niin a hmanpuia.He Conference hi Pu R. Lalthanmawia President HMSA lunglei chuan kaihruaiin Pu J.Vanlalchhunga Secretary HMSA Lunglei chuan in lawmna thu lehthil pawimawh in hriattirna hun a hmang bawk a ni.